Mars шоколад гаднах савлагаандаа өөрчлөлт оруулж, дахин боловсруулж болох цаасан савлагаатай болжээ. Үүний шалтгаан нь Mars Food компани зах зээлд нийлүүлдэг бараа бүтээгдэхүүнийхээ савлагааг илүү байгальд ээлтэй болгохоор туршиж буйтай холбоотой юм.

Mars Food компаниас мэдэгдсэнээр шинэ савлагаа бүхий Mars шоколад энэ даваа гарагаас эхлэн Их Британи дахь Tesco сүлжээ дэлгүүрийн 500 салбарт худалдаанд гарч байгаа гэсэн байна.

BBC сувгийн тайлбарласнаар Mars Food компанийн эл өөрчлөлт нь тэд өрсөлдөгч компаниудынхаа шийдлийг дагаж байгаа хэрэг гэсэн юм. Учир нь Nestle компани л гэхэд 2021 оны нэгдүгээр сараас зарим нэг бүтээгдэхүүнийхээ гялгар савлагааг цаасан савлагаагаар сольжээ.

Үйл явдлын хүрээнд Mars Food компаниас мэдэгдсэнээр гялгар савлагааг цаасаар орлуулах нь багагүй сорилт болсон гэсэн байна.

Эх сурвалж: BBC