Илон Маск тэргүүтэй мэргэжилтнүүд, хиймэл оюун ухааныг сонирхогчид хиймэл оюун ухаан хөгжүүлэлтийг зогсоохыг уриалах болжээ. Тэдний үзэж байгаагаар хиймэл оюун ухаан нь хүн төрөлхтөнд аюул занал дагуулж байж болзошгүй гэнэ.
Үйл явдлын хүрээнд энэ сэдвийн дор санал нэгдсэн хүмүүс учирч болох аюулын тухайд анхааруулсан захидлыг ч үзэглэсэн бөгөөд хиймэл оюун ухааны системийг хөгжүүлэх өрсөлдөөн хяналтаас гарч байна гэсэн байна. Улмаар тэдний зөвлөж байгаагаар хиймэл оюун ухааныг тодорхой хүчин чадлаас давуулан хөгжүүлэх ажлыг дор хаяж зургаан сарын хугацаанд хориглох нь зүйтэй гэнэ.
Гарын үсэг зурсан эрхмүүдийн дунд тэрбумтан Илон Маскаас гадна Apple компанийн үүсгэн байгуулагчдын нэг Стив Возняк, DeepMind дахь судлаач нар багтсан юм.
Захидлын гол асуулт нь, “Бид өөрсдийгөө орлуулах, өөрсдийн оюун ухааныг ч давах хэмжээний хүн бус оюун санааг хөгжүүлэх ёстой юу?” гэдэгт төвлөрчээ.
Одоогийн байдлаар OpenAI болон бусад хиймэл оюун ухаан хөгжүүлэгчдийн зүгээс захидалд ямар нэг хариу өгөөгүй байна.
Эх сурвалж: BBC