Өнгөрөгч долоо хоногийн баасан гарагт дэлхийн попын хаан гэгдэж байсан дуучин Майкл Жексон агсны олон нийтэд сонордуулж амжаагүй байсан 50 гигабайт бүхий уран бүтээлийг нэгэн этгээд хулгайлжээ.
Энэ талаар анх @Kurrco гэх хаяг Твиттер хуудаснаа мэдээлсэн байна. Тэдний мэдэгдсэнээр, “Майкл Жексоны олон нийтэд цацаагүй дуу, демоний нийт 50 гигабайт бүхий файл алдагдлаа. Файл нь Майкл Жексоны инженер Брэд Сандбергийн зөөврийн компьютер, хатуу диск дээр байсан ч өнгөрөгч баасан гарагт болсон семинарын үеэр Брэд өөрийн өмчөө алдсан юм.
Би энэ талаар Твиттер хуудаснаа нийтлэх ёстой эсэхээ мэдэхгүй нэлээн бодсон ч энэ бол хөгжмийн түүхэн дэх хамгийн том хулгайн нэг.
Гэвч зөөврийн компьютерыг хулгайлсан этгээд цонхоор үсэрч зугтжээ” гэж бичсэн байна.
Брэд Сандбергийн хувьд Майкл Жексонтой 20 орчим жил ажилласан байдаг бөгөөд тэрээр үйл явдлыг баталж, Брюссель хотоос болсон хэргийн тухайн өгүүлсэн бичлэгээ цахим орчинд байршуулжээ.
Эх сурвалж: American Songwriter