Их Британи - Судалгаагаар эрчүүд анир чимээгүй, амар амгалан орчныг хайхдаа жил бүр дунджаар 7 цагийг ариун цэврийн өрөөнд өнгөрүүлдэг гэсэн дүн гарчээ. Уг судалгааг зохион байгуулсан судлаачдын зүгээс нийт 1000 эрийг судалгаандаа хамруулж, санал асуулга авсан байна.
Улмаар судалгааны дүнд эрчүүд хэсэгхэн зуур амсхийж, тайван байхын тулд жилд дунджаар 7 цагийг ариун цэврийн өрөөндөө өнгөрүүлдэг гэсэн хариу гарчээ.
Харин тэд юуны учир анир чимээгүй, амар амгалан байдлыг эрж хайдаг болохыг тодруулахад ихэнх нөхцөлд тэднийг эхнэрүүд нь үглэж яншин “тайван байлгадаггүй” бөгөөд хүүхдүүдийн дуу чимээнээс залхахдаа ариун цэврийн өрөө ордог гэнэ. Мөн тэдний ариун цэврийн өрөөнд суудаг өөр нэг шалтгаан нь гэр орны ажлаас зугтах гэжээ.
Эх сурвалж: Mirror