АНУ-ын Эмэгтэйчүүдийн Сагсан бөмбөгийн Холбооны од Бритни Грайнер арван сарын өмнө ОХУ-д баривчлагдсан билээ. Энэ талаар бид цаг тухайд нь мэдээлж байсан юм.
Тэгвэл орон нутгийн цагаар өчигдөр орой 22:00 цагийн орчим ОХУ-ын талаас түүнийг АНУ-д шилжүүлэхээ мэдэгдсэн. Улмаар талууд Абу Дабигийн нисэх буудалд солилцоо хийж, Улаанбаатарын цагаар 19:00 цагийн орчим Бритни Грайнер эх орондоо газарджээ.
АНУ-ын талаас хоригдол солилцох саналыг өнгөрөгч долоодугаар сард тавьсан ч ОХУ зөвшөөрөхгүй түүнийг хөдөлмөрийн лагерь руу шилжүүлээд байсан юм.
ОХУ-ын хүлээж авсан хоригдол Виктор Бутын хувьд Америкийн шоронд 12 жил ял эдэлсэн бөгөөд Оросын төлөөлөгч нар түүнийг хүлээн авсан даруй онгоцонд суулгаж, ерөнхий үзлэг хийжээ.
Эх сурвалж: BBC