Баасан гарагт япон бизнесмен Юсаку Маэзава сар руу аялах багаа танилцуулжээ. Юсаку Маэзавагийн хувьд өнгөрөгч онд өөртэй нь хамт сар руу нисэх бүтээлч хүмүүсийг хайж байгаагаа мэдэгдэж байсан юм. Тэгвэл бизнесмен маань хайж байсан хүмүүсээ олжээ.
Түүнтэй хамт сарыг тойрох хүмүүсийг сонирхвол DJ Стив Аоки, Big Bang хамтлагийн гишүүн T.O.P, YouTuber Тим Додд нар багтсан байна.
Аяллын хүрээнд тэд сансрын хөлгөөр сарыг гадаргуугаас нь 200 километр хүрэхгүй зайд тойрох бөгөөд нийт 8 хоног үргэлжлэх юм. Харин зорчигчдын аяллын зардлыг Юсаку Маэзава бүрэн даах ажээ.
Эх сурвалж: BBC