Хийжүүлсэн ундаа үйлдвэрлэгч, нийлүүлэгч Pepsi брэнд зул сарын баярыг угтсан шинэхэн сурталчилгаандаа хийжүүлсэн ундааг сүүтэй холихыг зөвлөжээ.
Тэдний зүгээс пүрэв гарагт арванхоёрдугаар сар эхэлснийг тохиолдуулан Зул сарын баяртай холбоотой маркетингийн шинэ компанит ажил эхлүүлсэн бөгөөд #PilkandCookies гэх хаштаг бүхий цахим уралдаан зохиох болсон байна. Pepsi-ийн зүгээс тус уралдааны сурталчилгаанд дуулиант од Линдсей Лоханыг тоглуулсан нь олны анхаарлыг бүр ч их татсан юм.
#PilkandCookies хаштагийн утга нь пепси ундааг сүүтэй хольж, жигнэмэгтэй идэхийг санал болгох гэнэ. Улмаар тус хаштагийг ашигласан хэрэглэгчид цахим уралдаанд оролцож болох бөгөөд Pepsi компани сорилтын ялагчийг ирэх Зул сарын баярын өдөр шалгаруулж, мөнгөн шагнал олгох ажээ.
Эх сурвалж: CNN