Пүрэв гарагт BBC агентлагаас хаан III Чарльзын хөрөгтэй 5 пеннигийн энгийн зоос болон 5 фунтийн дурсгалын зооснуудыг олон нийтэд танилцуулжээ.

Зооснуудын загварыг Британийн уран барималч Мартин Женнингс гаргасан байна.

Шинэ зооснуудыг үзвэл хааны хөрөг зүүн зүг рүү харж байх бөгөөд энэ нь хатан хаан II Элизабетын хөргөөс эсрэг зүгт харсан байгаа юм. Мөн зооснууд дээрх хааны хөрөг титэмгүй байх ба BBC агентлагаас мэдээлж байгаагаар хаан III Чарльз энэхүү хөргийг өөрөө зөвшөөрсөн гэжээ.

Тийнхүү дурсгалын зориулалттай 5 фунтийн зоос ирэх долоо хоногийн эхээр цуглуулагч нарын гарт хүрэхэд бэлэн болох бол 50 пеннигийн зоос энэ оны сүүл гэхэд хэрэглээнд нэвтэрсэн байх гэнэ. Улмаар хааны хөрөгтэй зооснууд хатан хааны хөрөгтэй зоостой цуг эргэлтэд орж байх ажээ.

Хааны хөрөгтэй зоосны нүүрэн талд хөргийг тойруулан "CHARLES III • D • G • REX • F • D • 5 POUNDS • 2022" хэмээн сийлсэн байх бол нөгөө талд хатан хааны түүхэн замналд хүндэтгэл үзүүлсэн байна.

Эх сурвалж: BBC