Германы эрчим хүчний компани Uniper бол Европ дахь эрчим хүчний хямралаас хамгийн их хохирол амсаж буй компани юм. Uniper-ийн энэ оны эхний хагас жилийн тайланд дурдсанаар тэд 12.3 тэрбум еврогийн алдагдал хүлээсэн төдийгүй ирэх хоёр жилд ашигтай ажиллах боломжгүй нь тодорхой болжээ.
Орос улс долоодугаар сард Европ руу хий нийлүүлэхээ зогсоох үед Uniper засгийн газраасаа 15 тэрбум еврогийн тусламж авахаас аргагүй байдалд хүрсэн. Учир нь уг компани Оросоос Герман руу хий импортолдог улсынхаа хамгийн том ханган нийлүүлэгч юм. Улмаар хийн хэрэглээнийхээ 55 хувийг Оросоос авч байсан Герман улс өдгөө шинэ нийлүүлэгч олохоор идэвхтэй ажиллаж байна. Одоогоор Канад тэргүүтэй бусад нийлүүлэгчээс хий худалдан авч ашиглаж байгаа бөгөөд үргэлжлүүлэн судалж байгаа юм. Uniper компанийн зүгээс ирэх 2023 оныг их “шилжилтийн жил байх болно” гэж мэдэгдлээ.
Uniper-ийн хувьцааны ханш одоогоор найман хувиар унаад байна. Германы засгийн газар дэмжлэг үзүүлэх үүднээс Uniper-ийн 30 хувийг авахаар төлөвлөснөөс гадна 9 тэрбум еврогийн зээл олгох аж.
Эх сурвалж: Reuters
Герман дэлхийн 2 р дайн эхлүүлсэн . Америк дэлхий дээр амьд хүн дээр цөмийн зэвсэг туршсан одоо нийлээд вирус туршиж байна даа гэж