Өнгөрсөн долоо хоногт Крым дэх Оросын цэргийн бааз дайралтад өртөн дэлбэрч найман онгоцоо алдсаныг хиймэл дагуулын зургаар баталсан. Харин өнөөдөр тус бүсэд дахин дараалсан дэлбэрэлт болж Майское хотод байрласан Оросын зэвсгийн агуулах устлаа. Мөн эрчим хүчний дэд станц, төмөр зам эвдэрсэн байна.
Украины Ерөнхийлөгчийн зөвлөх Михайло Подоляк уг дэлбэрэлтийг “зэвсэггүйжүүлэх ажиллагаа” гэсэн бол Оросын тал “хорлон сүйтгэх ажиллагаа” хэмээн буруутгав. Мөн Оросын Батлан хамгаалах яамнаас “ноцтой эрсдэл учраагүй” гэж мэдэгдсэн бөгөөд хоёр хүн бэртсэн ч амь насанд нь аюулгүй өнгөрсөн тухай мэдээллийг баталгаажууллаа. Одоогоор 2000 орчим иргэн нүүлгэн шилжүүлээд байна.
Өнгөрсөн зургаадугаар сараас хойш Украины арми АНУ-аас нийлүүлсэн “Химар” олон пуужин харвагч зэвсгийг ашиглан 50 орчим зэвсгийн цэг оноод байгаа юм. Мөн өмнөд бүсийн хэд хэдэн гүүр эвдснээр Крымээс Херсон хүртэлх хангамжийн шугам эрсдэлтэй байдалд орсон тухай мэдээлэл байна.
Эх сурвалж: BBC