Пүрэв гарагт Бүгд Найрамдах Донецк Ард Улсын Гадаад хэргийн сайд Наталья Никонорова ТАСС мэдээллийн агентлагт ярилцлага өгчээ. Ярилцлагад дурдсанаар тус улсаас ОХУ-д элчин сайд Олга Макееваг томилж, элчин сайдын яаманд ажиллах хүмүүс аль хэдийнээ Москва хотод ажлаа эхлүүлсэн гэсэн байна.
Түүний хэлснээр, “Томилолтоо авсан элчин сайд хийгээд элчин сайдын яаманд ажиллах ажилчид аль хэдийн Москва хотод хүрсэн бөгөөд тэд улс төр, консул, захиргаа болон бусад асуудлын хүрээнд ажлаа эхлүүлсэн. Манай улсын ОХУ дахь элчин сайдын яам ирэх 12-ны өдөр үүд хаалгаа нээх болно.
Бидний зүгээс манай улсын тусгаар тогтнолыг хүлээн зөвшөөрсөн орнуудтай хамтын ажиллагаагаа сайжруулахаар шамдаж байна.
Эхний ээлжид бид тэртээ 2014 онд манай улсын тусгаар тогтнолыг хүлээн зөвшөөрсөн орнуудтай хамтын ажиллагаагаа эрчимжүүлэх болно.
Ташрамд дурдахад Бүгд Найрамдах Абхаз Улсын зүгээс 2022 оны хоёрдугаар сард манай тусгаар тогтнолыг хүлээн зөвшөөрсөн бөгөөд гуравдугаар сард бид дипломат харилцаа тогтоосон байгаа. Бид цаашид Абхаз улстай харилцаагаа бэхжүүлсээр байх болно” гэжээ.
Эх сурвалж: ТАСС