Нью-Йорк Таймс сонин орон нутгийн цагаар 5-ны өдөр мэдээлснээр криптовалют Биткоиныг хууль ёсны төлбөрийн хэрэгсэл болгон зарласан Эль Сальвадор улс криптовалютны үнэ огцом унахын хэрээр өрийн хямралд орж байгаа талаар онцолжээ.
Уг мэдээнд дурдсанаар, сүүлийн үед криптовалютны ханш огцом унасны улмаас Сальвадорын засгийн газар хөрөнгө оруулалтынхаа 60 хувь буюу 63 сая ам.долларын алдагдал хүлээгээд байгааг тооцоолсон байна.
Түүнчлэн Сальвадорын ард түмний дундах Биткоины хэрэглээ ч мэдэгдэхүйц буурч байгаагийн дээр виртуал валютын хөрөнгө оруулагчдаас хөрөнгө босгох шинэ төлөвлөгөө нь ч бүтэлгүйтэн тус улсын санхүүгийн байдал тартагтаа тулаад байгаа аж.
Биткоиныг дэмжигч ерөнхийлөгч Букеле өнгөрсөн жил Сальвадор улсын нийт хөрөнгө оруулалтын төсвийн 15 хувийг Биткоиныг сурталчлах зорилгоор зарцуулсан байх юм.
Эх сурвалж: YTN