ОХУ-ын шадар сайд Александр Новак баасан гарагт Россия 24 сувагт ярилцлага өгч, ярилцлагадаа ОПЕК+ буюу Газрын тос экспортлогч орнуудын байгууллага ирэх сард газрын тосны олборлолтоо өдөрт 648 мянган баррелиар нэмэгдүүлэх болсныг дурджээ.
Түүний мэдэгдсэнээр, “Өнөөдөр бид нэгэн шийдвэр гаргасан нь гишүүн орнууд хамтран наймдугаар сард олборлох газрын тосны хэмжээгээ өдөрт 648 мянган баррелиар нэмэгдүүлэх боллоо. Мөн Александр Новакын хэлснээр ОХУ өнгөрөгч сард газрын тос боловсруулалтын хүрээнд эргэн сэргэж эхэлсэн" гэсэн юм.
Новак, “Манай улсын газрын тос олборлолтын хэмжээ өнгөрөгч гурваас дөрөвдүгээр сарын хугацаанд буурсан үзүүлэлттэй байсан билээ. Харин энэ үзүүлэлт өнгөрөгч зургаадугаар сард эргэн сэргэж, хоёрдугаар сард боловсруулсан газрын тосны хэмжээнд дөхжээ. Тухайн үед бид өдөрт дунджаар 10.2 сая баррель газрын тос боловсруулж байсан бол өдгөө 9.9 сая баррелийг боловсруулж байна” хэмээжээ.
Эх сурвалж: ТАСС