ОХУ-ын Канад улсад суугаа элчин сайд Олег Степанов пүрэв гарагт Россия-24 сувагт өгсөн ярилцлагадаа Канад улс эрчим хүч, ховор металлын зах зээлд Орос улсыг орлох боломжгүй гэж мэдэгджээ.
Түүний хэлснээр, “Канад улсад Оросыг орлох экспортын хүчин чадал нь байхгүй. Тиймээс тэд ойрын хэдэн арван жилд Европ руу байгалийн хий нийлүүлж чадахгүй.
Тэдэнд байгалийн хий нийлүүлэх терминал нь байхгүйн дээр байгальд ээлтэй эрчим хүч хэрэглэхийг уриалдаг хүмүүс хийн компаниудтай мөргөлдөж улмаар дэд бүтцийнх нь хөгжилд нөлөөлсөн.
Канад улс ашигт малтмалын бордооны экспортоороо дэлхийн зах зээлд эзлэх байр сууриа өсгөж болох ч ховор металл, эрдсийн экспортоор ОХУ-ыг орлож чадахгүй.
АНУ, Канад болоод тэдний холбоотнууд Орос, Хятадыг хэрхэн тусгаарлаж, тэдний зах зээлийн байр суурийг хэрхэн нөхөх вэ талаар идэвхтэй хэлэлцэж байгаа ч Канад улсын хувьд энэ бүхэн дөнгөж анхан шатандаа яваа” гэжээ.
Эх сурвалж: ТАСС