Орон нутгийн цагаар 23-ны өдөр Европын холбооны гишүүн орнуудын удирдагчдын зүгээс Украин улсад тус холбоонд гишүүнээр элсэх нэр дэвшигчийн статус олгох шийдвэрийг эцэслэн баталжээ.
Европын холбооны дээд хэмжээний уулзалтын ерөнхийлөгч Чарльз Мишель онцлохдоо Бельгийн нийслэл Брюссель хотноо зохион байгуулагдаж буй дээд хэмжээний уулзалтын үеэр 27 гишүүн орны тэргүүн Украин болон Молдав улсуудыг Европын холбоонд гишүүнээр элсэх нэр дэвшигчдийн статусын талаар шийдвэрлэсэн нь түүхэн мөч байлаа хэмээн өөрийн Твиттер хуудаснаа жиргэсэн байна.
Тэрээр үргэлжлүүлэн Украин, Молдав улсад хандан "Өнөөдөр та бүхэн Европын холбоонд хүрэх замынхаа нэгэн томоохон чухал алхмыг хийлээ” хэмээн баяр хүргэжээ.
Эх сурвалж: Newsis