ОХУ-ын парламентын удирдлага орон нутгийн цагаар 21-ний өдөр хэлэхдээ, Украины зүүн өмнөд хэсэгт орших Оросыг дэмжигч Донбасс орчмын бүс нутаг удахгүй зохион байгуулагдах бүх нийтийн санал асуулгын үр дүнд ОХУ-ын бүрэлдэхүүн болох шийдвэрт хүрнэ хэмээн мэдэгджээ.
Риановости агентлагийн мэдээлснээр, ОХУ-ын Төлөөлөгчдийн танхимын Олон улсын харилцааны хорооны дарга Леонид Слуцкий Оросын армид эзлэгдсэн Бүгд Найрамдах Донецк Ард Улсад айлчлах үеэрээ энэхүү байр сууриа илэрхийлсэн байна.
“Ойрын хэдэн сарын дотор уг бүс нутагт нэгэн чухал үйл явдал болно. Бүгд Найрамдах Донецк Ард Улс, Бүгд Найрамдах Луганск Ард Улсын иргэд өөрсдийн байр сууриа илэрхийлэн болно” хэмээн тэрээр онцлон тэмдэглэжээ.
2014 онд Крымд болсон шиг үйл явдал ойрын хугацаанд Донбассын дээрх хоёр бүс нутагт өрнөж тус бүсийг ОХУ-ын бүрэлдэхүүнд шилжүүлэх асуудлаар бүх нийтийн санал асуулга явуулна хэмээн тайлбар хийсэн байна.
"Донбассын ард түмэн ирээдүйд хэрхэн амьдрахаа өөрсдөө шийдэх ёстой" гэж Слуцкий хэлээд, тэдний хувь заяаг Украины засгийн газар эсвэл барууны орнууд биш Донбассын ард түмэн өөрсдөө шийдэх болно хэмээн цохон тэмдэглэв.
Эх сурвалж: YTN