Европ, Украины байгалийн хийн газар доорх нөөцлүүр дэх байгалийн хийн нөөц урьд өмнө байгаагүй доод хэмжээнд хүрсэн болохыг Газпром мэдээлжээ.

Тэдний хэлснээр, “Европын байгалийн хийн газар доорх нөөцлүүрийн нөөц 2002 оны нэгдүгээр сарын 11-ний өдрөөс хойших хамгийн доод хэмжээнд хүрсэн. Улмаар нэгдүгээр сарын 22-ны өдрийн байдлаар нөөц хэмжүүрийн хамгийн доод заалтаас даруй 1.85 тэрбум куб метрээр бага байсан” гэнэ.

Тийнхүү Европын идэвхтэй байгалийн хийн нөөцийн хэмжээ өнгөрөгч оноос 26 хувь бага байсан бөгөөд зарцуулалт нь 34.3 тэрбум куб метр буюу нийт нөөцийн 71.8 хувьд хүрсэн болохыг Европын байгалийн хийн дэд бүтцийн датанд тусгажээ.

Харин Украин улсын байгалийн хийн газар доорх нөөцлүүрийн нөөц аль хэдийн 12 тэрбум куб метрт хүрч, өнгөрсөн оноос даруй 44.6 хувиар буурсан байна.

Эх сурвалж: ТАСС