Асуудал шийдвэрлэхэд шаардагдах 6 алхам
2021, 12 сарын 30. 13:570

Асуудал шийдвэрлэх ур чадвар сайтай байх нь таныг үнэ цэнтэй ажилтан болгож, хэтийн ирээдүйд дараагийн ажлын ярилцлагадаа ч бахархах зүйлтэй болгоно. Судалгаагаар ажил олгогчдын хамгийн ихээр чухалчилдаг ур чадваруудын гуравдугаарт асуудал шийдвэрлэх чадвар бичигддэг тул энэхүү ур чадварыг эзэмших нь үнэхээр чухал юм.

Тэгвэл бид танд асуудал шийдвэрлэхэд шаардлагатай зургаан алхмыг танилцуулъя

1. Асуудлыг таних

Асуудлаа гүйцэд, бүрэн таних тусам юунд санаа зовних хэрэгтэйг тань тодорхой болгож, илүү сайн гаргалгаа бодож олоход тань туслах болно. Тэгвэл нэн тэргүүнд яг ямар төрлийн асуудал үүсээд байгааг тогтоох хэрэгтэй. Асуудал дан ганц хүчин зүйлээс урган гарч ирсэн үү эсвэл хэд хэдэн хүчин зүйлээс улбаатай юу гэдгийг тодруул.

2. Асуудлыг дүгнэх

Энэ үе шатанд та асуудлыг уг углуургаар нь авч үзэх хэрэгтэй. Энэ асуудал хэр давтамжтай тохиож байгаа болон ямар үед энэ асуудал бий болж, ямар үед огт тохиохгүй байгаа болон асуудал тулгарахад хэн хэн ойр хавьд байсан гэх зэргээр задалж үзэх хэрэгтэй.

3. Гаргалгаануудыг бодож олох

Үүсээд буй асуудлаа үнэлж, таньж болсон бол одоо боломжит бүх л гаргалгааг тооцоолох хэрэгтэй. Өөрийн бүтээлч сэтгэлгээг ашиглаж, олон өөр өнцгөөс тооцож гаргалгаа гарга. Хэрэв шаардлагатай гэж үзэж байвал өөр хүмүүсийн санаа оноог сонсоод үзэхэд ч буруудахгүй.

4. Оновчтой гаргалгааг сонгох

Бодож олсон бүх гаргалгаагаа үр дагаврынх нь хүрээнд давуу болон сул талаар нь жагсаан ялгаад, хамгийн оновчтой шийдлийг сонгоно.

5. Гаргалгаагаа хэрэгжүүлэх

Дээрх бүх алхмыг хийсэн бол одоо сонгосон гаргалгаагаа бодит үйл хэрэг болгох хэрэгтэй. Харин та өөрийн гаргасан сонголтод эргэлзэж байвал өөр хэн нэгэнтэй зөвлөөд үзээрэй.

6. Үнэлэлт, дүгнэлт хийх

Таны хэрэгжүүлсэн гаргалгаа үр дүнтэй байсан уу? Эсвэл та хүссэн үр дүндээ хүрч чадаагүй юу? Энэ үед та өөрийн гаргасан шийдвэрийг үнэлж, дүгнэлт хийх хэрэгтэй. Таны тооцоолоогүй үр дүн гарсан эсэхийг анхаар. Хэрэв таны шийдвэр оновчтой байсан бол дараа нь ижил төрлийн асуудлыг ийн шийдвэрлэх юм байна гэдгээ санаж, харин буруудсан бол алдаанаасаа суралцах учиртай юм.

Энэ мэдээнд өгөх таны сэтгэгдэл?
2
1
0
0
0
1
0
Сэтгэгдэл үлдээх
Нийт 0 сэтгэгдэл
Онцлох мэдээ
2 шөнийн нойрноосоо хугаслахад хүн өөрийгөө 4 болон түүнээс дээш жилээр хөгширсөн мэт мэдэрдэг
02024-3-28 19:28
"Титаник” киноны Рөүзийн амийг аварсан тавцанг дуудлагаар худалджээ
02024-3-28 18:41
Төв Азийн орнуудын иргэдийг ОХУ руу зорчихгүй байхыг уриалжээ
02024-3-28 18:24
Крымийн хазаарууд гэж байсныг нотлох археологийн баримтыг олжээ
02024-3-28 18:22
Цусны хорт хавдрыг ялан дийлсэн Икээ Парисын Олимпод өрсөлдөнө
02024-3-28 18:19
Япон: Бага насны хүүхдийн живх үйлдвэрлэгч компани насанд хүрэгчдийн живх үйлдвэрлэлийн бизнес рүү хөрвөжээ
02024-3-28 18:13
НҮБ: Дэлхийд өдөрт 1 тэрбум гаруй шоо метр тонны хоол хүнсний хаягдал гарч байна
12024-3-28 16:38
Тайландын хууль боловсруулагчид ижил хүйсийн гэрлэлтийг зөвшөөрөх хуулийн төслийг баталжээ
02024-3-28 15:53
Дэлхий дээрх хамгийн том анаконда могой болох Ана Жулияг агнажээ
02024-3-28 15:39
Сэм Банкмэн-Фрийд: Крипто зах зээлийн хаан гэгдэж байсан эрхэм өнөөдөр ялаа сонсоно
02024-3-28 15:15