Nike бренд худалдаагаа нэрийн дэлгүүр, вебсайт, гар утасны аппликэйшнуудаараа хийхээр төлөвлөснийхөө дагуу АНУ дахь гутлын хамгийн том сүлжээ дэлгүүрийн нэг болсон DSW-тэй гэрээгээ цуцалжээ. Тиймээс хүмүүс ирэх оноос эхлэн тухайн сүлжээ дэлгүүрээс Nike брендийн спорт гутал, хувцас худалдан авч чадахгүй болох юм.
Ойрын жилүүдэд тэд гэрээт борлуулагч нарынхаа тоог илтээр цөөлж байгаа бөгөөд энэ нь хувиараа спорт бараа борлуулдаг газруудад хүнд цохилт болж байгаа юм.
Харин DSW сүлжээний зүгээс мэдэгдсэнээр тэд хамгийн сүүлд есдүгээр сард Nike брендийн бараа бүтээгдэхүүнийг хүлээн авсан гэнэ. Тиймээс одоо байгаа барааны үлдэгдлийг зарж дууссаны дараагаар тэдний дэлгүүрт Nike брендийн бүтээгдэхүүнүүд худалдаалагдахгүй ажээ. Тус дэлгүүрийн орлогын нэлээдгүй хувийг буюу 2020 онд л гэхэд нийт орлогын 7 хувийг DSW бүрдүүлдэг байсан ч тэд ийнхүү гэрээгээ дуусгавар болгох болсон байна.
Nike брендийн хувьд өөрсдийн бараа бүтээгдэхүүнээ нэрийн дэлгүүр, вебсайт, гар утасны аппликэйшнаараа худалдаалах ашиг нь борлуулагч дэлгүүрүүдээс орж ирэх ашгаас хоёр дахин их байдаг гэнэ.
Эх сурвалж: CNN