2020 Гүүглийн хайлтыг эргэлзээгүй тэргүүлсэн утга “коронавирус” байсан бол энэ жилд урьд жилүүдийн адилаар спорт, энтертайнмент салбарын утгыг түлхүү хайсан байна.
Энэ долоо хоногийн лхагва гарагт Гүүгл “Нэг жилийн хайлт” гэх жил бүр гаргадаг хамгийн хамгийн жагсаалтаа олон нийтэд үзүүлсэн юм. Тэгвэл энэ жилийн жагсаалтыг спортын холбогдолтой утгууд тэргүүлжээ.
Тодруулбал, Крикетийн дэлхийн аварга шалгаруулах тэмцээний Австрали болон Энэтхэг, Энэтхэг болон Англи улсын тоглолтууд 2021 онд хамгийн их хайлттай утгаар тодорсон байна. Харин шинжээчдийн үзэж байгаагаар, энэ нь хамгийн эрэлттэй сэдэв байсандаа бус харин ердөө л Энэтхэг улс хүн ам олонтой холбоотой гэж үзжээ. Ямартай ч 2021 оны хамгийн их хайлттай 10 утгын 8 утга нь спортын холбогдолтой байсан юм.
Эх сурвалж: CNN