Хятадын технологийн компаниуд эх орондоо болоод гадаад улсад ч ихээхэн дарамт шахалтад ороод байгаа энэ цаг үед Хятад улсдаа хамгийн хэрэглээ өндөртэй аппликэйшнуудын нэг болсон Вэйбо Хонконгийн зах зээлд хувьцаагаа гаргажээ.
АНУ, Хятад улсуудын хооронд үүсээд буй хурцадмал байдлын хүрээнд Хятадын зарим компаниуд ийн хөрөнгө босгох өөр өөр аргуудыг хайх болсон юм. Улмаар Вэйбо хувьцаагаа Хонконгийн зах зээлд гаргахаас долоо хоногийн өмнө л гэхэд Хятадад дуудлагын таксины үйлчилгээ үзүүлдэг хамгийн том компани болох Didi өөрсдийн хувьцаагаа АНУ-ын зах зээлээс татаж, Хонконг руу шилжүүлэх болсноо зарласан билээ.
Вэйбогийн хувьд ч өнгөрсөн 6 сарын хугацаанд АНУ-д гаргасан өөрсдийн хувьцааны гуравны нэгийг алдаад байсан юм. Харамсалтай нь Вэйбо Хонконгийн зах зээлд хувьцаа гаргасан эхний өдөрт нэгж хувьцааны үнэ 7 хувиар унасан байна. Тийнхүү Вэйбо хувьцаагаа Хонконгийн зах зээлд гаргасан өдрөө 385 сая ам.долларын хөрөнгө босгожээ.
Эх сурвалж: BBC