Америкийн хөрөнгө оруулалтын компанийн тэргүүн Биткойны зах зээлийн талаар тийм ч эерэг бус үзэлтэй байгаагаа илэрхийлжээ.
Америкийн хөрөнгө оруулалтын Пэйн Капитал Менежментийн ерөнхийлөгч Райан Пэйн орон нутгийн цагаар 7-ны өдөр Yahoo Finance-д өгсөн ярилцлагадаа, "Биткойн болон бусад криптовалютууд бол хүн төрөлхтний түүхэн дэх хамгийн муу хөөсүүдийн нэг юм" гэжээ.
Тэр дундаа “Хөөс хагарах нь дамжиггүй” гэдгийг онцолж, харин “уг хөөс хагарсны дараа хэцүүхэн зүйл тохиох болно” гэдгийг анхааруулсан юм. Хэдхэн хоногийн өмнө буюу өнгөрөгч 2-ны өдөр Америкийн тэрбумтан Уоррен Баффетын эзэмшлийн хөрөнгө оруулалтын компани болох Беркшир Хатауэй-н дэд захирал тэрбумтан Чарли Мунгер ч Сиднейд болсон бага хурал дээр "Хөрөнгийн зах зээлд сүүлийн үед үүссэн хөөс маш ноцтой асуудал үүсгэхээр байна. Криптовалют бий болох ёсгүй байсан юм" хэмээн санаа зовж буйгаа илэрхийлсэн байна.
Пэйн ч мөн Мунгерийн дээрх хэлсэн үгтэй бүрэн санал нийлж байгаагаа онцолсон билээ. Мунгерийг өөрийн бодлоо ийнхүү илэрхийлсний дараа АНУ-ын хөрөнгийн зах зээл өнгөрөгч 3-ны өдөр огцом унаснаас үүдэн криптовалютууд ч мөн 20 гаруй хувиар унаж, Биткойны нэгжийн үнэ нэг хэсэг 42,000 ам.доллар хүртэл буурсан юм.
Эх сурвалж: Korean Economy