Прайм Видео, Алекса зэрэг Амазоны нийлүүлдэг үйлчилгээнүүд серверийн асуудлаас үүдэн доголдох болжээ. Улмаар АНУ дахь олон мянган хэрэглэгч системийн доголдолд өртөж байгаа гэнэ. Түүнчлэн засгийн газар, байгууллага, их сургуулиудад үйлчилгээ үзүүлдэг тооцооллын систем нь ч доголдсон юм.

Амазоны зүгээс асуудлын учир шалтгааныг тогтоож, одоогоор хэвийн байдалд оруулахаар ажиллаж байгаа гэж мэдэгдсэн ч хэзээнээс асуудалгүй ажиллаж эхлэх тухайд тодорхой хугацаа хэлээгүй байна.

Системийн доголдол хэд хэдэн бүсэд ажиглагдаж байгаа ч АНУ-ын зүүн эрэг орчмоор түлхүү тохиож байгаа гэнэ. Мөн Амазоны үндсэн вебсайт ч ердийнхөөсөө илүү удаан ачаалах болжээ.

Он гарсаар Амазоны сервер унаж, доголдсон нь ийн гурав дахь удаагаа тохиож байгаа бөгөөд энэ удаагийн тохиолдлыг Зул сарын худалдан авалт ихэссэнтэй холбон тайлбарлаж байгаа юм.

Эх сурвалж: BBC