Пүрэв гарагт ОХУ-ын Харбин дахь ерөнхий консул ТАСС мэдээллийн агентлагт хандан мэдээлэл хийжээ. Тодруулбал, БНХАУ-ын засгийн газар ОХУ-аас орж ирэх зарим бараа бүтээгдэхүүний импортод шинэ хориг тогтоосон байна.
Тус консулын дипломатын мэдээлснээр, “Өнгөрсөн сарын 29-ний өдрөөс эхлэн түр хугацаанд БНХАУ-ын Суйфенхэ галт тэрэгний зогсоол дээр нүүрс, төмрийн хүдэр, бордоо, төмрийн хайлмал, хүдэр, хөдөө аж ахуйн бараа бүтээгдэхүүнийг тээвэрлэсэн, гар удирдлагаар буулгадаг ачаа барааны чингэлгийг хүлээн авахгүй” гэжээ.
Түүнчлэн энэ сарын нэгний өдрөөс эхлэн Забайкальск-Манжуур чиглэлд зорчих өөр нэгэн галт тэрэгний гарамд шинэ хориг тавих болсон нь ачаа тээврийн чингэлэг болон дүнзэн модны тээвэрт хамаарах юм.
Харин хориг тогтоох болсон шалтгааныг Хятад улс дахь цар тахлын нөхцөл байдалтай холбон тайлбарлаж байгаа ажээ.
Эх сурвалж: ТАСС
Хориг, хязгаарлалт хоёр өөр ойлголт шүү