Колумбын засгийн газрын зүгээс 23-ны өдөр мэдэгдснээр, тус улсын хамгийн том хар тамхины бүлэглэл болох "Гулф Клан"-ы толгойлогч "гэдэсний үс" хочит Даиро Антонио Усгаг хойд хилийн Некокли хотоос баривчлилсан тухай онцолжээ.
Түүнийг баривчлахад 500 гаруй тусгай хүчнийхэн дайчлагдсны дээр 22 нисдэг тэрэг уг ажиллагаанд оролцсон байна. Мөн харилцаа холбооны 50 гаруй мэргэжилтэн, шинжээчид баг болон ажилласан ба тэдний дунд Америк, Британийн агентууд ч биечлэн оролцсон байна.
Уг баривчлах ажиллагаа маш нүсэр болж өрнөснийг Колумбын Ерөнхийлөгч Иван Дуке “Манай армийн түүхэн дэх хамгийн шигүү ширэнгэн ойд нэвтэрсэн ажиллагаа болж өнгөрлөө” хэмээн зүйрлэжээ. Учир нь Усга тэргүүтэй тус бүлэглэл нь Колумб улсын 32 мужаас 12 мужид нь 3800 гишүүдийнхээ тусламжтайгаар байнгын үйл ажиллагаа явуулдаг аварга бүлэглэл байсан тул энэ хэмжээний олон цэрэг дайчлагдсан аж.
Тэрээр Колумбын хөдөө тосгонд нуугдан амьдарч, цагдаа нарын мөрдлөгөөс зайлсхийхийн тулд гар утас ч ашиглалгүй туслахуудаараа дамжуулан гадаад ертөнцтэй харилцдаг байжээ. Гэвч хоёр долоо хоногийн өмнө Колумбын эрх баригчид түүнийг байрлаж буй газрыг тогтоож, 50 гаруй мэргэжилтнүүд хиймэл дагуулын зураг ашиглан мөрдөж, ийнхүү амжилттай баривчилсан байна.
Эх сурвалж: YTN