ОХУ-д дельта хувилбарын дэд хувилбар болох AY.4.2 бүртгэгдсэн тухай Оросын Эпидемиологийн төв шинжлэх ухааны судалгааны хүрээлэнгийн шинэ оношилгооны аргыг боловсруулах шинжлэх ухааны бүлгийн дарга Камиль Хафизов мэдээлжээ.

Дельта хувилбарын дэд хувилбар болсон тэрхүү вирус анх Их британи улсад бүртгэгдсэн юм. Их Британийн шинжээчдийн мэдээлж байгаагаар одоогоор дельта хувилбар нь 45 дэд хувилбартай гэсэн байна. Энэхүү дэд хувилбар нь бусад хувилбаруудтай харьцуулахад 10-15 хувь илүү хурдан тархах юм.

Оросын мэргэжилтнүүдийн мэдээлснээр дэд хувилбар нь угаас тохиолдол ихээр бүртгэгдэж байгаа тус улсын цар тахалд тодорхой нөлөө үзүүлэх гэнэ. Тиймээс дельта хувилбар тохиолдлын тоонд нөлөөлсөн шиг дэд хувилбар нь ч мэдэгдэхүйц нөлөө үзүүлэх ажээ. Гэхдээ аз болоход Спутник вакцин шинэ хувилбараас сэргийлж чадна хэмээжээ.

Эх сурвалж: ТАСС