Бразилын сенатын гишүүд Жэйр Болсонарог хүн төрөлхтний эсрэг гэмт хэрэг өдөөсөн болон бусад есөн зүйл гэм буруутай тул ял сонсох ёстой гэж үзжээ. Шалтгааныг нь тодруулбал түүний коронавируст цар тахлын үед авч хэрэгжүүлсэн арга хэмжээ бүхэлдээ буруу байж, олон мянган хүн амь насаараа хохирох шалтгаан болсон хэмээсэн юм.
Улмаар түүний цар тахлын үед авч хэрэгжүүлсэн арга хэмжээнүүдийн хүрээнд хуулийн байгууллагаас мөрдөн шалгах ажлыг эхэлсэн байна.
Тэдний зүгээс түүнийг цар тахлын үед олон хүнийг үхлийн аюулд оруулсан, үндэслэлгүй эмчилгээний арга барилыг сурталчилсан, гэмт хэрэг өдөөсөн, баримт бичгийг хуурамчаар үйлдсэн, төсвийн мөнгийг зүй бусаар ашигласан, хариуцлагаас зайлсхийсэн, хүн төрөлхтний эсрэг гэмт хэрэг үйлдсэн, нийгмийн хариуцлагаа умартсан, ёс зүйн хувьд доголдол гаргасан, албан тушаалын нэр хүндийг гутамшигт байдалд оруулсан, халдвар хамгааллын дэглэм зөрчсөн гэх хэргүүдэд буруутгаж байгаа ажээ.
Энэ нь Бразил улсын түүхэнд парламентын гишүүд Нэгдсэн улсын ерөнхийлөгчийн эсрэг ийм их хэрэг үүсгэн буруутгаж байгаа анхны тохиолдол юм.
Улмаар болсон явдлын хүрээнд Жэйр Болсонаро лхагва гарагт мэдэгдэл хийсэн бөгөөд комиссыг ямар ч үр бүтээмжгүй ажиллаж байна гэж дүгнэж байгаагаа хэлсэн байна.
Эх сурвалж: CNN