Apple корпорацын вакцинд хамрагдаагүй эсвэл вакцины гэрчилгээгээ үзүүлээгүй ажилчид оффис дээр ирэх бүрдээ коронавирусийн шинжилгээ өгч байх шаардлагатай тулгарчээ.
Шинэ гарсан журмын хүрээнд оффис дээр очин ажиллаж байгаа ажилчид өдөр бүр шинжилгээ өгөх гэнэ. Apple корпорацын зүгээс бүх ажилтныг вакцины гэрчилгээтэй байх ёстой гэж шаардахгүй байгаа ч тийнхүү вакцинд хамрагдаагүй ажилтан өдөр бүр, вакцинд хамрагдсан ажилтан долоо хоног тутамд нэг удаа коронавирусийн шинжилгээ өгч байхаар журамлажээ.
Улмаар шинэ журмын хэрэгжсэнээр ажилчид Apple корпорацаас түргэвчилсэн гэрчилгээ авч, өдөр бүр өөрийн шинжилгээний хариуг хавсаргаж явах гэнэ. Хэдийгээр бусад томоохон компаниуд вакцины гэрчилгээ шаардаж байгаа ч Apple-ийн зүгээс вакцины гэрчилгээ шаардах журам гаргаагүй л байгаа юм. Харин ерөнхийлөгч Жо Байденийн засгийн газраас хамтран ажилладаг Apple-ийн салбар байгууллагуудын ажилчдыг арван-хоёрдугаар сарын 8 гэхэд бүгд вакцинд хамрагдсан байх шаардлага тавьжээ.
Тийнхүү энэ сарын 24-ний дотор ажилчид вакцины гэрчилгээгээ үзүүлэх бөгөөд арван-нэгдүгээр сарын 1-ний өдрөөс журам хэрэгжиж эхлэх гэнэ.
Эх сурвалж: Bloomberg