ШХАБ-ын гишүүн орнуудын Төрийн тэргүүнүүдийн зөвлөлийн 21 дэх удаагийн хурал Тажикстан улсын нийслэл Душанбэ хотод зохион байгуулагдаж байгаа билээ.
Тэгвэл тус хурлын үеэр ОХУ-ын ерөнхийлөгч Владимир Путин Иран улсыг ШХАБ-д элсэх үйл явцыг эхлүүлэхийг дэмжиж байгаагаа илэрхийлжээ.
Владимир Путины хувьд тус хуралд цахимаар оролцож байгаа бөгөөд хуралдааны үеэр тэрээр, “ШХАБ-ын гишүүн улс бүр манай байгууллагатай хамтран ажиллаж, бидний үйл ажиллагаанд өөрсдийн хувь нэмрийг нээлттэй, эрх тэгш оруулахыг зорьдог улсуудад маш их ач холбогдол өгдөг. Тийм ч учраас ОХУ-ын зүгээс Иран улсын ШХАБ-д элсэх үйл явцыг эхлүүлэхийг дэмжиж байна.
Иран улс Евразийн бүсэд чухал үүрэг гүйцэтгэдэг бөгөөд ШХАБ-тай үр өгөөжтэй ажиллаж ирсэн тул бид ШХАБ-ын үйл хэрэгт хамтрахыг нь үргэлж дэмжиж ирсэн.
Мөн тус улс манай байгууллагад элсэх нь манай байгууллагын олон улсад эзлэх байр суурийг бататгах нь дамжиггүй” хэмээжээ.
Эх сурвалж: ТАСС