БНХАУ-ын Ухань хотод Ковид-19-ийн дельта хувилбар бүртгэгджээ.
Уханьд коронавирусийн тохиолдол бүртгэгдээгүй бараг нэг жилийн нүүрийг үзээд байсан боловч харамсалтайгаар тус амжилт энэ долоо хоногт дуусгавар болж, Ковид-19-ийн 7 тохиолдол бүртгэгдсэний дараагаар тус хотын захиргааны хэвлэлийн төлөөлөгч Ли Тао мэдэгдэл хийжээ.
Ухань хотын хувьд нийт 11 сая хүн амтай бөгөөд мэдэгдэлд хотын захиргаанаас бүх оршин суугчдыг коронавирусийн шинжилгээнд хамруулах болсныг зарласан байна.
Бүтэн нэг жилийн дараа бүртгэгдсэн шинэ тохиолдлууд цагаач ажилчдаас илэрчээ.
БНХАУ-ын Эрүүл мэндийн яамнаас хийсэн судалгаагаар Уханьд илэрсэн коронавирус Хятадын зүүн хэсэгт байрлах Наньжин мужтай холбогджээ.
Коронавирус анх 2019 оны сүүлээр Хятадын төвд оршдог Ухань хотод бүртгэгдэж, 76 өдрийн хөл хорио тогтоож, хатуу хоригууд хэрэгжсэний дүнд өнгөрөгч зунаас хойш коронавирусийн тохиолдол дахин бүртгэгдээгүй билээ.
Эх сурвалж: DW