Бангладеш улсад хуримын үдэшлэг рүү явж байсан зочид аянгад цохиулж, 16 хүн амиа алдсан бөгөөд сүйт залуу болоод хэд хэдэн зочид гэмтжээ. Хэрэг гарах үед сүйт бүсгүй зочдоос тусдаа явж байсан тул золгүй явдлаас хол өнгөрсөн байна.
Бүсийн захирагчийн мэдээлж байгаагаар хүмүүс завьтай зорчиж байсан гэнэ. Тийнхүү аянгад цохиулахаасаа өмнө аадар бороо орохтой зэрэгцэн завиа орхиод явахдаа золгүй явдалтай тулгарчээ.
Тус хэрэг Дака гэх мужаас баруун хойно 245 километрийн зайд гарсан байна.
Бангладешт жил бүр борооны улирлаар 200 гаруй хүн аянгад цохиулж нас бардаг бөгөөд тэдний ихэнх нь тариаланчид байдаг гэнэ.
Харин мэргэжилтнүүд агаарын бохирдол, дэлхийн дулаарал аянга цахилгаан цахих давтамжийг нэмэгдүүлж байгаа гэж үзжээ.
Эх сурвалж: ABC News