АНУ 16 аяллын цэгийг коронавирусийн маш өндөр эрсдэлт бүсээр нэмэн нэрлэжээ
2021, 8 сарын 4. 10:210

Даваа гарагт АНУ-ын Өвчин хяналт, сэргийллийн төвөөс Грек, Ирланд, Виржинийн арлууд зэрэг нийт 16 аяллын цэгийг коронавирусийн маш өндөр эрсдэлтэй бүсээр нэмэн нэрлэжээ.

Тус төвийн мэдээлж байгаагаар эрсдэлийн зэрэг дөрөвдүгээр түвшинд байна гэдэг нь коронавирусийн маш өндөр эрсдэлтэй гэсэн үг бөгөөд ард иргэд тэдгээр улс, аяллын цэгүүд рүү аялахаас зайлсхийх шаардлагатай хэмээжээ. Хэрэв зайлшгүй аялах болбоос эхлээд вакциндаа бүрэн хамрагдсан байх учиртай гэнэ.

Мөн олон нийтэд хүргүүлсэн зөвлөмждөө вакциндаа бүрэн хамрагдтал бүх төрлийн олон улсын аяллаас зайлсхийхийг зөвлөжээ.

Түүнчлэн “Вакциндаа бүрэн хамрагдсан аялагчид коронавирусээр халдварлах, цаашлаад вируст халдвараа бусдад түгээх нь бага байдаг. Гэсэн хэдий ч олон улсын аялал нь бас нэгэн аюул дагуулж байгаа нь вакциндаа бүрэн хамрагдсан аялагчид коронавирусийн шинэ хувилбаруудаар өвчлөх, бусдад тараах эрсдэлтэй” гэдгийг хэлсэн байна.

Харин хэрхэн эрсдэлт бүс, аяллын цэгүүдийг тодорхойлж байгаагаа Өвчин хяналт, сэргийллийн төвөөс “сүүлийн 28 өдөрт 100 мянган хүн тутамд 500-аас дээш хүн коронавирусээр халдварласан тохиолдолд маш өндөр эрсдэлтэй бүсэд тооцож байгаа” хэмээжээ.

Тийнхүү нийт 16 аяллын цэгийг өндөр эрсдэлт бүсээс маш өндөр эрсдэлт бүсийн тоонд нэмэн оруулжээ. Үүнд: Андорра, Кюрасао, Гибралтар, Грек, Гваделуп, Иран, Ирланд, Мэний арал, Казахстан, Лесото, Ливи, Мальта, Мартиник, Сэйнт Бартелеми, Сэйнт Мартин, Виржинийн арлууд багтсан юм.

Ингэснээр тус жагсаалтад нийт 70 улс, аяллын цэгүүд бичигджээ. Тэдгээрийн дунд Монгол улс байгаа юм.

Цагаан ордны зүгээс дельта хувилбар ихээр бүртгэгдэж байгаатай холбогдуулан хоригууд үргэлжлэн хэрэгжинэ гэдгийг ч мэдэгдсэн байна.

Энэ мэдээнд өгөх таны сэтгэгдэл?
0
0
0
0
0
0
0
Сэтгэгдэл үлдээх
Нийт 0 сэтгэгдэл
Онцлох мэдээ
2 шөнийн нойрноосоо хугаслахад хүн өөрийгөө 4 болон түүнээс дээш жилээр хөгширсөн мэт мэдэрдэг
02024-3-28 19:28
"Титаник” киноны Рөүзийн амийг аварсан тавцанг дуудлагаар худалджээ
02024-3-28 18:41
Төв Азийн орнуудын иргэдийг ОХУ руу зорчихгүй байхыг уриалжээ
02024-3-28 18:24
Крымийн хазаарууд гэж байсныг нотлох археологийн баримтыг олжээ
02024-3-28 18:22
Цусны хорт хавдрыг ялан дийлсэн Икээ Парисын Олимпод өрсөлдөнө
02024-3-28 18:19
Япон: Бага насны хүүхдийн живх үйлдвэрлэгч компани насанд хүрэгчдийн живх үйлдвэрлэлийн бизнес рүү хөрвөжээ
02024-3-28 18:13
НҮБ: Дэлхийд өдөрт 1 тэрбум гаруй шоо метр тонны хоол хүнсний хаягдал гарч байна
12024-3-28 16:38
Тайландын хууль боловсруулагчид ижил хүйсийн гэрлэлтийг зөвшөөрөх хуулийн төслийг баталжээ
02024-3-28 15:53
Дэлхий дээрх хамгийн том анаконда могой болох Ана Жулияг агнажээ
02024-3-28 15:39
Сэм Банкмэн-Фрийд: Крипто зах зээлийн хаан гэгдэж байсан эрхэм өнөөдөр ялаа сонсоно
02024-3-28 15:15