Зөв төлөвлөгөөний дагуу ажилтан бэлтгэх хөтөлбөр явуулбал амжилтад хүрэх амархан.
Ингэхэд шинэ ажилтан дадлагажуулах хөтөлбөрөөр ямар сэдвийг хөндвөл зохих вэ? Ямар нь хэрэгтэй болон хэрэггүй байдаг вэ? Практик дадлагатай харьцуулбал хэр их онол оруулах вэ?
Энэ хэсэгт маш олон хүмүүс алддаг. Ихэнх дадлагын хөтөлбөр их сургуулиудын хэрэглэдэг номтой төгсөөд бөгөөд хийсэн болоод өнгөрдөг.
Байгууллагын талаар олон тоо дурдсаныг дадлага ажил гэж нэрлэж болохгүй. Үр дүнтэй дадлага ажил хийхийн тулд тухайн ажлыг хийхэд зайлшгүй шаардлагатай зүйлсийг зөв хэмжээгээр заах хэрэгтэй. Өөрөөр хэлбэл анхандаа үндсэн ойлголт өгсний дараа аажим аажмаар гүнзгий зүйлсийг сургана.
Өнөөгийн дадлага ажил буруу философиор өрнөдөг.
Яг л сургалтын төвд сурч байгаа мэт дүр төрх. Техникийн тайлбар, судалгаа, тайлангаар дардаг ч жинхэнэ ажлыг хийхэд хэрэгтэй энгийн асуултад хариу өгдөггүй.
Дадлага ажлын хөтөлбөрт ажиглагддаг түгээмэл алдаа бол:
- Жинхэнэ ажлыг хийхэд хэрэгтэй зүйлсийг хэлдэггүй. Ажилтнууд дадлагын үеэр сонссон зүйлсээ одоо бол мартсан гэдэг.
- Ойлгоход төвөгтэй.
- Хаа хамаагүй тоон үзүүлэлт, он цагийн хэлхээгээр дүүрсэн. Энэ бүгд нь ажил хийхтэй огт хамааралгүй.
- Онолын төвшинг тодорхой хэмжээнд хязгаарлаж чадаагүй.
Ажилтан дадлагажуулах ажил бол таны хийх ёстой ажил төдийхөн биш юм. Энэ бол байгууллагад ажиллах хүмүүсийг дадлагажуулдаг хөтөлбөр. Тэд тестэнд тэнцлээ гээд ажил хийх туршлагатай болохгүй.
Үр дүнтэй дадлага явуулахын тулд үндсэн дөрвөн алхмыг хэрэгжүүлэх хэрэгтэй. Хэрэгцээ болон шаардлагыг тодорхойлно. Дадлага хийх зорилтот бүлгийг тодорхойлно. Дадлагын үеэр хэрэглэх контентыг хөгжүүлнэ. Дадлагаас хүлээж буй зорилгыг тодорхойлно.
Ээлжит дадлага гэдэг бол ажиллагчдын чадварыг хамгийн өндөр төвшинд барих зорилгоор үе үе явагддаг дадлага ажил юм. Ээлжит дадлага нь голцуу хүний аюулгүй байдалтай холбоотой эрүүл мэнд, нисэх хүчин гэх мэт тусгайлсан салбарт түлхүү явагддаг. Уг дадлагыг зочин зааварлагч эсвэл байгууллагын дадлага хариуцсан хэлтэс тусгайлан удирдан явуулна.