"Бизнетворк Консалтинг" ХХК -ийн зохион байгуулж байгаа НАЙМ дахь удаагийн HR EVENT арга хэмжээнд IT ZONE LLC ERP Албаны дарга А. Ганбаатарыг урьж оролцуулсан билээ.

Та ямар нэгэн сургалтанд хамрагдахдаа олж авсан мэдлэг мэдээллээ хэрхэн яаж тэмдэглэдэг вэ? Үргэлжилсэн үгийн зохиол шиг үргэлжлүүлээд бичдэг үү? эсвэл товчлоод тэмдэглэдэг үү? Сургалт эхлэхийн өмнө А.Ганбаатар багш маань тэмдэглэл хийх сонирхолтой арга болох /Mind Mapping/ аргын талаар танилцуулсан юм. Энэхүү тэмдэглэл хөтлөх аргын хамгийн гол давуу тал нь богино хугацаанд өөрийн олж авсан мэдээллээ эмх цэгцтэй бөгөөд ойлгомжтой тэмдэглэх арга юм. Энэхүү Mind Mapping арга нь уран итгэгч нараас үүсгэлтэй хэмээн үздэг. 

Сургалтаар төсөөлөл гэж юу вэ? Эерэг төсөөлөл, сөрөг төсөөлөл байгууллагад хэрхэн нөлөөлдөг талаар мөн удирдах ажилтнуудын оролцоог байгууллагын соёлд хэрхэн нэмүүлдэг тухай бодит жишээн дээр тулгуурлан сургалтаа орсон нь бид бүхэнд ажил дээрээ шууд хэрэгжүүлж болохоор байсан юм.

" Байгууллага бүр үйл ажиллагааны цар хүрээ онцлогоос хамааран 

өөр өөрийн гэсэн соёлтой байх ёстой."

Мөн байгууллагын соёлд өөрчлөлтийг хэрхэн яаж ашиглах талаар  Levin’s -ийн загварыг танилцуулсан юм. Дэлгэрэнгүйг: www.mindtools.com сайтруу орж үзээрэй. 

Энэ удаагийн Hr Event#8 сургалт хөгжлийн арга хэмжээнд 34 байгууллагын хүний нөөцийн менежер, удирдах албан тушаалтнууд оролцож өөрийн мэдлэгээ тэлж чадсан гэдэгт итгэлтэй байна. 

Дараагийн сургалт 2016.04.14 нд 19:00 цагаас болно.