Манай улсын тэтгэврийн насны 159,400 гаруй иргэд дунджаар 283,000 төгрөгний тэтгэвэр авч байна. Энэ нь өдөрт 9,400 төгрөг авч байна гэсэн үг. Ганц бие ахмад настан, өрх бүл цөөхүүлээ, ар гэрийн дэмжлэг хүрэлцдэггүй хөгшчүүдийн хувьд байрны мөнгө, хоол хүнс, бусад ахуйн хэрэглээнд энэ хэмжээний тэтгэвэр тэтгэмж хангалтгүй нь ойлгомжтой. Түүнчлэн Манай улсад тэтгэвэр авагчдын 60 хувь нь тэтгэврийн зээлтэй гэдэг судалгаа байгаа нь үүний баталгаа болж байна. Монголчуудын дунд ахмад, өтөл насны амьжиргааны баталгаа нь тэтгэвэр тэтгэмж гэхээсээ илүү үр хүүхдийнхээ сайн сайхан амьдралд найдсан итгэл байдаг нь ч нууц биш юм.