“Цэцэнс Майнинг энд Энержи” ХХК нь 2011 онд байгуулагдсан, уул уурхай, эрчим хүчний салбарт үйл ажиллагаа явуулдаг, үндэсний хөрөнгө оруулалттай компани юм.

Манай компани нь Улаанбаатар хотоос 130км зайд орших Төв аймгийн Баян, Баянжаргалан сумдын нутагт орших хүрэн нүүрсний ордод 2017 оноос эхлэн олборлолт хийж байгаа бөгөөд төвийн бүсийн дулааны станцад болон бусад хэрэглэгчдэд нүүрсээ нийлүүлж байна.

Өөрийн эзэмшлийн Бөөрөлжүүтийн талын хүрэн нүүрсний орд дээрээ түшиглэн “Бөөрөлжүүтийн Цахилгаан станц, нүүрсний уурхайн цогц төсөл”-ийг үе шаттайгаар амжилттай хэрэгжүүлэн ажиллаж байгаа бөгөөд эхний 150 МВт хүчин чадал бүхий Цахилгаан станцыг 2024 оны сүүлээр ашиглалтад оруулахаар барилга угсралтын ажил явагдаж байна.

Одоогоор 210 орчим ажилтантай бөгөөд Цахилгаан станцын ашиглалтын үйл ажиллагаа эхлэхтэй холбоотой 2024 онд 450 гаруй ажилтантай болохоор үйл ажиллагаагаа өргөжүүлэн ажиллаж байна.

Бид нийгэмдээ хариуцлагатай, байгаль орчинд ээлтэй үйл ажиллагаа явуулахыг эрхэмлэн ажилладаг бөгөөд Цахилгаан станцын төслийг амжилттай хэрэгжүүлснээр цахилгаан эрчим хүчний шинэ эх үүсвэрээс Монгол Улсын төвийн бүсийг эрчим хүчээр хангах боломжтой болох юм.

Та бүхнийг томоохон хэмжээний бүтээн байгуулалтад өөрийн хувь нэмрээ оруулан бидний нэг болон ажиллахыг урьж байна.