Итгэл Эрүүл Мэнд ХХК нь 2014 онд үүсгэн байгуулагдаж лабораторийн болон амбулаторийн чиглэлээр орчин үеийн багаж, тоног төхөөрөмж, дэвшилтэт шинэ технологиудыг үйл ажиллагаандаа нэвтрүүлж,"Эрүүл, зөв дадал зуршлыг төлөвшүүлэн, өвчнийг эрт илрүүлэх замаар Амьдралын чанарыг дээшлүүлэх" эрхэм зорилготойгоор ажиллаж байна. Манай хамт олон эмнэлгийн тусламж үйлчилгээг чанартай үзүүлж ирснээ батлан харуулж 2019 онд Эрүүл мэндийн лаборатори-Чанар ба чадавхид тавигдах шаардлага MNS ISO 15189:2015 чанарын стандартаар магадлан итгэмжлэгдсэн ба 2022 онд үүнийгээ дахин баталгаажуулж 4 жилийн хугацаагаар магадлан итгэмжлэгдсэн. Бид олон улсын чанарын ISO гэрчилгээтэй, Европын холбооны CE тэмдэгтэй, орчин үеийн дэвшилтэт технологид суурилсан молекул биологи, иммунологи, клиник химийн бүрэн автомат анализатор, оношлуурыг ашиглан шинжилгээ оношилгоо хийхээс гадна, Mindray компаний хамгийн сүүлийн загвар болох RESONA I9 аппаратаар ЭХО, дүрс оношилгооны үйлчилгээг үзүүлдэг. Манай эмнэлзүйн лаборатори нь олон улсын лабораторийн оношилгоонд нэвтэрсэн, эмнэлзүйн ач холбогдол өндөртэй /Femoflor, Androflor, BRCA, PIVKA II, NT-ProBNP/ шинжилгээнүүдийг Монголдоо анх удаа нэвтрүүлж, улирал тутам Канадын ONEWORLD ACCURACY байгууллагын “Чанарын гадаад үнэлгээний хөтөлбөр”-т хамрагдаж шинжилгээний чанар, найдвартай байдлыг ханган ажиллаж байна.