Оном сан ТББ нь 2008 оны 4 дүгээр сард Говь-Алтай аймгийн харьяат ах дүү гурав болох Доктор Дашдоржийн Наранбаатар, Доктор Дашдоржийн Наранжаргал болон Дашдоржийн Тулгабаатар нарын санаачилгаар үүсгэн байгуулагдсан түүхтэй. Байгуулагдсан цагаасаа эхлэн Монгол Улсын эрүүл мэнд, боловсролын салбарт бодитой хувь нэмрээ оруулан ажиллаж байна. Энэ хугацаанд бид эрүүл мэндийн салбарын 17.000 мянга гаруй эмч, эмнэлгийн ажилтнуудад халдварт, халдварт бус ѳвчин, осол гэмтлийн чиглэлээр сургалт явуулж үндэсний болон олон улсын чанартай хурал, зөвлөгөөн арга хэмжээг зохион байгуулсаар ирсэн.Одоо бид Монгол Улсад тулгамдаж буй элэгний ѳвчлѳл, элэгний хавдар, элэгний хатуурал зэрэг өвчнийг үүсгэдэг вирүст хепатит өвчинтэй тэмцэх зорилгоор ЭЛЭГ БҮТЭН МОНГОЛ хѳтѳлбѳрийг санаачлан Монгол Улсын Засгийн газрын Үйл ажиллагааны мөрийн хѳтѳлбѳрийн 3.1.3-т “Элэгний хорт хавдар, хатуурлын нас баралтыг эрс бууруулах, элэгний С вирүсийн голомтыг 2020 он гэхэд устгаж, халдварын тархалтыг таслан зогсоох”-оор тусгаж чадсан билээ.