Бид үйл ажиллагаагаа анх 1997 онд “Майн инфо” ХХК-ийг үүсгэн байгуулж геологи, уул уурхайн чиглэлээр гадаад, дотоодын компаниудад мэдээллийн үйлчилгээг үзүүлж эхлүүлсэн бөгөөд өнгөрсөн хугацаанд цар хүрээгээ тэлж бизнесийн төрөл бүрийн салбарын 17 охин, болон хараат компанийг багтаасан “Эм Ай Эйч” групп болон өргөжсөн юм.

2016 онд групп бүтцийн өөрчлөлтөнд орж “Гүнд Инвестмент” хөрөнгө оруулалтын холдинг компани болон өөрчлөн зохион байгуулагдсан. Холдингийн бүрэлдэхүүнд 2017 онд “Т.У.С солюшн” ХХК зөвлөх үйлчилгээний компанийг үүсгэн байгуулсан ба бид өөрсдийн олон жил хуримтлуулсан туршлага, системийн онол дээр тулгуурлан гаргасан байгууллагад тулгарч буй асуудлуудыг шийдвэрлэх ТУС үйлчилгээгээ зах зээл, хэрэглэгчдэд санал болгож байна.

Мөн манай холдингийн бүрэлдэхүүнд монголд цор ганц үндэсний амьдралын даатгалын үйлчилгээ үзүүлэгч "Нэйшнл лайф даатгал" ХХК болон банк бус санхүүгийн байгууллага, Төрийн бус байгууллагууд үйл ажиллагаагаа явуулж байна.

БИДНИЙ ОНЦЛОГ

“Гүнд Инвестмент” ХХК нь 2016 онд “Нийгэмд хүртээмжтэй үнэ цэн бүтээх бизнест хөрөнгө оруулж, хамтдаа тогтвортой хөгждөг холдинг компани байна” гэсэн хэтийн зорилготойгоор үүсгэн байгуулагдаж, тасралтгүй үйл ажиллагааг явуулсаар өдгөө 26 охин хараат компанитай, боловсрол, шинжлэх ухаан, бизнесийн шийдэл, дижиталжуулалт, үл хөдлөх хөрөнгө, санхүүгийн үйлчилгээ, спорт, аялал жуулчлал, хүнсний үйлдвэрлэл гэх мэт олон салбарт хөрөнгө оруулалтын цар хүрээгээ тэлээд байна. Мөн байгууллагын оролцогч талууд болох хэрэглэгч, ажилтан, хувьцаа эзэмшигчдэд үнэ цэн бүтээж, нэгдсэн зорилгодоо хүрэх тогтвортой орчинг бүрдүүлэхэд дэмжлэг үзүүлэх зорилгоор гүнзгий мэдлэг, логик сэтгэлгээ, сэтгэл судлалын шинжлэх ухаанд суурилсан системийн инженерчлэлийн аргыг боловсруулж, түүнийгээ холдингийн өдөр тутмын үйл ажиллагаандаа нэвтрүүлэн ажиллаж байна.