"Гандирс" ХХК нь Монгол улсын экспортын гол орлогыг бүрдүүлэхэд жинтэй хувь нэмэр оруулдаг боловч хамгийн хүнд хэцүү нөхцөлд ажиллаж олон жилийн нүүрийг үзэж буй 14,000 жолооч нарын нийгмийн асуудлыг шийдвэрлэхийн төлөө ажиллаж байна.   "Тээвэрчдийн хотхон" цогцолбор нь 1000 машины зогсоол, 500 жолоочийн амрах байр, 300 хүн нэгэн зэрэг хооллох зоогийн газрууд, захиргаа, зочид буудал, 2 га талбайд зам талбай, ногоон байгууламж, 16,968 м2 барилга байгууламж бүхий 700 хүнд нэгэн зэрэг үйлчлэх хүчин чадалтай төрийн үйлчилгээний нэгдсэн төв, хяналт, худалдаа, амралт, техник засварын цогцолбор төвөөс бүрдэнэ. ТӨСӨЛ ХЭРЭГЖҮҮЛСНЭЭР ГАРАХ ҮР ДҮН: Хүнд даацийн тээврийн хэрэгслийн жолооч нарт зориулсан орчин үеийн стандартыг хангасан үйлчилгээг Могшол улсад анх нэвтрүүлнэ. Нүүрсний тээврийн жолооч нарын хөдөлмөрийн нөхцөл эрс сайжирна. 1200 ажлын байр бий болно. Татварын орлогод жилд 1 тэрбум орчим төгрөг төлөгдөнө. Хөрсний элэгдэл зогсож, тоос шороо буурч, цөлжилтийн бүс бүхий говь нутагт микро ногоон орчин үүсгэнэ. Уурхайг дагасан байнгын урт цувааг зогёоох боломж нээгдэнэ. БНХАУ-руу жил тутам урсч байгаа 450,0 орчим тэрбум төгрөгийн урсгалыг Монголд үлдээнэ.