"ЭН ПИ ПЕТРОЛИУМ" ХХК нь анх 2014 оноос уул уурхайн бизнесийн зөвлөлгөө өгөх, гадаад худалдааны чиглэлээр үүсгэн байгуулагдаж үйл ажиллагаагаа явуулж эхэлсэн бөгөөд 2016 оноос Уул уурхайн хөнгөн үйлдвэрийн яамнаас газрын тосны бүтээгдэхүүний импорт, бөөний болон жижиглэнгийн худалдааны тусгай зөвшөөрөл авч, Монгол улсын нефть хийн Ассоциацад гишүүнээр элсэн орж, энэ чиглэлээрүйл ажиллагаагаа тасралтгүй явуулж байна.

Бид газрын тосны бүтээгдэхүүнээ тусгай зөвшөөрлийн дагуу стандартын шаардлага хангасан, улсын бүртгэлтэй сав тоног төхөөрөмжүүд бүхий агуулах, шатахуун түгээх станцуудаар дамжуулан бөөнөөр болон жижиглэнгээр борлуулж, харилцагч үйлчлүүлэгчддээ түргэн шуурхай хүргэж өгөх, түгээх зэргээр борлуулж байна.

Манай компани нь ОХУ-ын Газпром нефть, Роснефть, Лукойл зэрэг үйлдвэрлэгчидтэй хамтран ажиллаж ГТБ-ийг импортоор шууд татан авч байна.

Цаашид дотоодын газрын тосны бүтээгдэхүүний импорт, жижиглэн болон бөөний борлуулалтын зах зээлд компанийн байр сууриа бэхжүүлэн, олон улсын стандартад нийцсэн аюулгүй ажиллагааг нэвтрүүлсэн, техник технологийн хэрэглээг дэлхийн түвшинд хүргэсэн чадварлаг инженерийн баг бүхий хамт олон болон хөгжихөөр зорилт тавин ажиллаж байна.