Манай компани нь анх 1956 онд Нийгэм ахуйн барилгын газар нэртэйгээр үүсгэн байгуулагдаж, 1962 онд Нийгэм ахуйн барилга трест, 1981 онд Нийтийн Аж Ахуйн Техник Туслалцааны Барилгын Удирдах Ерөнхий газар болон өргөжиж, 1991 онд “НАБСАН” ХХК нэртэйгээр МУ-ын барилгын салбарын их бүтээн байгуулалтанд хувь нэмрээ оруулсаар байна.

Бид хот суурин газрын төвлөрсөн дулаан, цэвэр, бохир усны шугам сүлжээ, цэвэрлэх байгууламж, усан сан, иргэний ба үйлдвэрлэлийн барилга, 5-100 МВт-ын эрчим хүчний эх үүсвэр, 0,4-110 кВ-ын ЦДШ, дэд станц, даралтат сав, зуухны барилга угсралт, усан цахилгаан станц, усны барилга байгууламж зэрэг инженерийн барилга байгууламжийг иж бүрнээр нь хийж гүйцэтгэдэг мэргэжлийн 100 гаруй ажилтантай, гадаад дотоодын их дээд сургуулийг дээрх мэргэжлээр төгссөн 30 гаруй инженер техникчдийн багтай, барилга угсралтанд шаардлагатай хүнд, хөнгөн машин механизм, үйлдвэр баазаар бүрэн хангагдсан мэргэжлийн байгууллага юм. Бид Монгол улсын барилгын салбарын их бүтээн байгуулалтанд өөрсдийн хувь нэмрээ оруулж, нийт 150 гаруй барилга байгууламж барьсан, үүнээс зөвхөн сүүлийн 25 жилийн хугацаанд 95 барилга байгууламжийг барьж ашиглалтанд хүлээлгэн өгсөн арвин их туршлагатай, салбартаа тэргүүлэгч байгууллагуудын нэг болон хөгжин дэвшиж байна.