ТАНИЛЦУУЛГА

“Эм Жи Эл И Эн Си” ХХК- нь барилгын салбарт 10 жил ажиллаж байгаа ба үйл ажиллагаа явуулж байх хугацаандаа олон нийтийн үйлчилгээ, орон сууц, амины орон сууцны хотхон болон үйлдвэрийн барилга байгууламж гэх мэт олон төрлийн барилгын зураг төсөл дээр амжилттай ажилласаар байна.

Бид Улаанбаатар хотын хөгжлийн өнгө төрхийг нэмэгдүүлэхэд хувь нэмрээ оруулахын сацуу их хотын ая тухтай аж төрөх, ажиллах, амрах таатай орчин нөхцөлийг бүрдүүлэхийн тулд дизайны өндөр мэдрэмж, дэлхийн стандартад нийцсэн чанар, дэвшилтэт технологи, орчин үеийн шийдлүүдийг уялдуулан зураг төслийг чанарын өндөр түвшинд хийж гүйцэтгэдэг.

Манай компани архитектур, инженерчлэл, барилгын салбарын дижитал өөрчлөлтийн үндэс болсон үзэл баримтлал, дизайныг бий болгохын тулд BIM (Барилгын мэдээллийн загварчлал) технологийг бүрэн эзэмшсэн. Бид барилгын зураг төслийн хөгжлийн дараагийн шат болох BIM-ыг 100% нэвтрүүлэгч байгууллага бөгөөд тус програм хангамжаар дамжуулан барилгын зураг төслийн ажилд шаардлагатай мэдээллийг 3 хэмжээст зураглал дээр үндэслэн, захиалагчид хэрэгтэй мэдээллийг хүргэж холбоо харилцаатай ажилладгаараа давуу талтай. Түүнчлэн бид монгол улсын архитектурын зөвлөх, барилга байгууламжийн зураг төслийн зөвлөхүүд, барилга угсралтын чиглэлээр ажилладаг бусад мэргэжилтнүүдтэй хамтран ажилладаг.

“Эм Жи Эл И Эн Си” ХХК-ний үйл ажиллагааны чиглэл:

• Архитектурын зураг төсөл
• Ландшафтын зураг төсөл
• Хот төлөвлөлт
• Барилга бүтээцийн зураг төсөл
• Халаалт агаар сэлгэлтийн зураг төсөл
• Цахилгааны хангамжийн зураг төсөл
• Усан хангамж, ариутгах татуургын зураг төсөл
• Холбоо дохиоллын зураг төсөл
• Автоматикийн зураг төсөл
• Интерьер дизайн
• Төслийн менежмент зэрэг салбаруудад үйл ажиллагаагаа явуулдаг.