“Инкон” ХХК нь 1992 оны 05 дугаар сард ОХУ-ын хөрөнгө оруулалттай барилга угсралт, барилгын үйлдвэрлэлийн чиглэлээр үүсгэн байгуулагдсан ба 2011 оноос дотоодын 100 хувийн хөрөнгө оруулалттай компани болон үйл ажиллагаагаа тогтвортой явуулж байна.

Компани нь дараах үндсэн үйл ажиллагаа явуулдаг. Үүнд:

• Барилга угсралт;
• Инженерийн барилга байгууламжийн угсралт;
• Төмөр бетон эдлэхүүн бүхий барилгын материал, хийц үйлдвэрлэл;
• Урсгал болон их засвар;
• Тээвэр механизмын үйлчилгээ;
• Үл хөдлөх хөрөнгийн түрээс;

Манай компани нийслэлийн бүтээн байгуулалтад тодорхой хэмжээний хувь нэмрээ оруулж ирсэн бөгөөд “Инкон” ХХК-ийн гүйцэтгэсэн барилга байгууламж нь нийслэл хотын архитектурын өнгө үзэмжийг тодорхойлдог. Компани нь ихэнх барилгын ажлыг барилгажих талбайн дэвсгэр зургийг гаргахаас эхлээд газар шороо, барилга угсралт, сантехник, цахилгаан холбоо, засал чимэглэл зэрэг ажлыг гүйцэтгэдэг. Эдгээр барилгуудыг “түлхүүр гардуулах” шат хүртэл барьж ашиглалтанд оруулдаг үндэсний барилгын томоохон гүйцэтгэгч байгууллагын нэг болсон.

“Инкон” ХХКньөөрийн үйлдвэрлэлийн бааз болон төмөр бетон бүтээц, зуурмагийн цехтэй. Улаанбаатар хотын үйлдвэрлэлийн районд байрладаг 72141 м.квбүхий үйлдвэрлэлийн бааз нь бетон болон зуурмагийн цех, арматур төмрийн цех, мод боловсруулах цех,агааржуулалтын цех, хүчилтөрөгчийн станц, задгай болон битүү агуулах, авто тээвэр болон механизмындулаан гараж, барилгын хийц эдлэлийг бэлтгэх, барилгын техникийн засвар үйлчилгээ хийх хүчин чадалтай юм.

Компанийн үйл ажиллагааг үнэлж 1997 онд“Оны шилдэг хөрөнгө оруулагч”, 1999 онд Монголын барилгачдын холбоо болон Засгийн газраас Тэргүүний байгууллагад олгодог “Батламж”, 2000 онд Монголын хэрэглэгчдийн эрх ашгийг хамгаалах нийгэмлэгийн гэрчилгээ,Үндэсний татварын газрын найдвартай төлөгч,2001 онд МУЗГ, 2002-2005 онуудад МҮХАҮТ-аас шалгаруулдаг топ-100 аж ахуйн нэгжээр шалгарч, 2005 онд МҮХАҮТ-ийн Хүндэт Жуух бичгээр тус тус шагнагдаж байсан.