Одоогоор мэдэгдэл алга байна

Үндсэн хувилбар

Бороогоулд ХХК

  • Ажлын байрны зар
  • Манай компани
  • Мэдээ, мэдээлэл
Судалгааны мэргэжилтэн

Уул уурхайн салбарын геологийн судалгаа, ашигт малтмалын хайгуул, уурхайн үйл ажиллагаа, зах зээлийн чиг хандлагатай холбоотой мэдээлэл цуглуулах; Геологийн өгөгдөл, ашигт малтмалын нөөц, үйлдвэрлэлийн зардал, зах зээлийн чиг хандлага болон бусад холбогдох мэдээлэлд дүн шинжилгээ хийж, удирдлагад ойлголт, зөвлөмжөөр хангах; Уул уурхайн төслүүдийн эдийн засгийн үр ашгийг үнэлэх, уул уурхайн компаниудын санхүүгийн үр дүнг үнэлэх, санхүүгийн ирээдүйн үр дүнг урьдчилан таамаглах санхүүгийн загварыг бий болгоход судалгааны мэргэжилтнээр оролцох; Компанийн хувьд боломж, эрсдэлийг тодорхойлохын тулд зах зээлийн чиг хандлага, түүхий эдийн үнэ, уул уурхайн салбарын өрсөлдөөний динамикийг хянаж, дүн шинжилгээ хийх; Дотоод сонирхогч талууд, хөрөнгө оруулагчид болон бусад холбогдох талуудад зориулан хийсэн дүн шинжилгээндээ үндэслэн тайлан, танилцуулга, зөвлөмж бэлтгэх; Уул уурхайн төслүүдтэй холбоотой эрсдэл, тухайлбал геологийн эрсдэл, байгаль орчны эрсдэл, зохицуулалтын эрсдэл, зах зээлийн эрсдэлийг үнэлж, компанид үндэслэлтэй шийдвэр гаргахад туслах; Уул уурхайн салбарт нөлөөлж болох салбарын хөгжил, технологийн дэвшил, зохицуулалтын өөрчлөлтийн талаар байнга мэдээлэл авч, компани эдгээр өөрчлөлтөд хэрхэн дасаж зохицож болох талаар ойлголт өгөх; Уул уурхайн үйл ажиллагааны талаар иж бүрэн ойлголттой болохын тулд геологич, инженер, санхүүгийн шинжээч болон бусад мэргэжлийн хүмүүстэй ихэвчлэн хамтран ажиллаж, үндэслэлтэй зөвлөмж гаргах.

Баяжуулах үйлдвэрийн операторч

Боловсруулах үйлдвэрт хүдэр хүлээн авах, бутлах, дамжуулах ба нөөцлөх, тээрэмдэх, зутангийн насос ажиллуулах; Циклоноор ангилах, Өтгөрүүлэгч болон уусгалтын шингээлт, хоргүйжүүлэх, десорбци, гравитацийн дамжлагуудын үйл ажиллагааг ISO стандарт журмын дагуу аюулгүй байдлаа хангаж үр бүтээлтэй ажилуулах;

Автоматжуулалтын инженер

Боловсруулах үйлдвэр болон Нуруулдан уусгалтын үйлдвэрийн технологийн процессын удирдлага түүний бүх хэрэгслүүдийн тасралтгүй найдвартай ажиллагаа засвар үйлчилгээ тохируулгыг хариуцан ажиллана.  Уурхайн усан хангамж, цахилгаан хангамжийн автоматжуулалт, нарийн хэмжүүрүүдийн бүх хэрэгслүүдийн  тасралтгүй найдвартай ажиллагаа засвар үйлчилгээ тохируулгыг хариуцан ажиллана.  Боловсруулах үйлдвэр болон Нуруулдан уусгалтын үйлдвэрийн бүх програмчлагддаг логик удирдлага (ПЛС)-н программ хангамж, техник хангамжийн тасралтгүй найдвартай ажиллагаа, түүний шинэчлэлт сайжруулалтыг хариуцан ажиллана.  Уурхайн цахилгаан эрчим хүчний ухаалаг тоолуурын системийн тасралтгүй найдвартай ажиллагаа түүний шинэчлэлт сайжруулалтыг хариуцан ажиллана. Технологийн процессын сайжруулалт болон технологийн процессын удирдлагын сайжруулалтын шинэ төслүүдийг удирдан зохион байгуулж гүйцэтгэж ажиллана. Ажлын байранд ажил гүйцэтгэх үедээ Цахилгаан байгууламжийн аюулгүй ажиллагааны дүрэм, техник ашиглалтын дүрэм, компани дотоод журмуудыг чанд сахин баримтлах. 

Аюулгүй ажиллагааны ажилтан

Осол эндэгдлээс сэргийлэхийн тулд Хөдөлмөрийн аюулгүй байдал, эрүүл ахуйн тухай хууль тогтоомж, дүрэм, журам стандартын шаардлагуудыг хангуулж ажиллаж буйд хяналт тавих, зөвөлгөө өгөх; Хөдөлмөрийн аюулгүй байдал, эрүүл ахуйтай холбоотой дүрэм, журам, заавар, зөвлөмж гаргах, боловсруулах, ажилтнуудад зааварчилгаа өгөх, сургалт зохион байгуулах; Хөдөлмөрийн аюулгүй байдал, эрүүл ахуйн удирдлагын тогтолцоог нэвтрүүлэх, хэрэгжүүлэх; Байгууллагын "Аюулгүй үйлдвэрлэл"-ийг эрхэмлэх, соёл, үнэт зүйлс болон ёс зүйг үлгэрлэн бусдад манлайлал үзүүлж түгээх;

Цахилгаанчин

Уурхайн нуруулдан уусгах үйлдвэр, үндсэн ордын хүдэр боловсруулах үйлдвэр, уурхайн цахилгаан байгууламжууд, цахилгаан тоног төхөөрөмжүүдийн төлөвлөгөөт болон төлөвлөгөөт бус засвар үйлчилгээг ТТ-ийн засвар зааварчилгаа болон АА-ны зааварчилгааны дагуу хийж гүйцэтгэх; Цахилгааны бүх тоног төхөөрөмжийн ажиллагаа болон суурилуулалтын аюулгүй бөгөөд бүрэн бүтэн байдлыг хангах засвар үйлчилгээ, цахилгааны урьдчилан сэргийлэх болон гэмтлийн засвар үйлчилгээг Цахилгааны ерөнхий инженерийн удирдлага дор хийж гүйцэтгэх; Тоног төхөөрөмжийн аюулгүй бөгөөд найдвартай ажиллагааг хангахын тулд цахилгааны суурьлуулалт болон бусад холбогдох ажлыг дотоодын болон олон улсын стандартын дагуу хийж гүйцэтгэх;

Уулын засварын сургагч

MS office-н хэрэглээний программууд дээр ажиллах; Засварчдад бүх төрлийн сургагч зохион байгуулж орох; 7 хоног бүрийн аюулгүй ажиллагааны сургалтын төлөвлөгөө гарган түүний дагуу сургалт орох; Жил болон улирлын сургалтын хөтөлбөрийн төлөвлөгөө гаргах сургалт орох; Засварын аюулгүй ажиллагааны горим журмын гарын авлагыг хянан шинэчилж авах.

Худалдан авалт хариуцсан ажилтан

Хангамжийн хэлтсийн өдөр тутмын үйл ажиллагаанд оролцож, бусад хэлтсүүдээс ирсэн хэрэгцээ шаардлага, бараа материалын бүртгэл хөтлөх, тэдгээрийн үнийн саналуудыг болон бусад холбогдох мэдээллийг цуглуулах, эргэн тухайн хэлтсийн ажилтнуудад цаг тухайд нь мэдэгдэх, захиалга хийгдсэн даруйд харилцагч компаниас нийлүүлэлтийн хугацааг лавлах, тээврийн мэдээг урьдчилан агуулах руу болон хэрэглэгч хэлтсийн ажилтнуудад мэдэгдэх; Хангамжийн хэлтэст харьяалагдах баримт бичгүүдийг эмх цэгцтэй хадгалах, тус бүрийн бүртгэлийг хөтлөх, шаардлагатай тохиолдолд тус бүрд тайлан гаргах; Хангамжийн хэлтсээс систем дээр үүсгэгдэж буй захиалга, хүсэлт зэргийг дор бүр нь хэвлэж, баталгаажуулсны дараа нь харилцагч байгууллагад явуулах мөн баталгаажсан гэрээг тухай бүрд нь гэрээт гүйцэтгэгчид илгээх, гэрээт ажил үйлчилгээ дууссан эсэхэд хяналт тавьж  гэрээний бүртгэлдээ тусгаж оруулах; Чанар, стандарт, захиалгыг гүйцэтгэх хугацаа, нөөц, агуулахын нөөцөд тавигдах шаардлагуудыг хангах; Хэлтэс нэгжүүдийн эрэлт хэрэгцээг хангах бараа материал, тоног төхөрөмжийг нийлүүлэх хамгийн тохиромжтой эх үүсвэрийг хайж олох; Хангамжийн хэлтэст хадгалагдаж байгаа худалдан авалтын захилга, урт болон богино хугацаат гэрээ, тендерийн материал, байгууллагуудын танилцуулга, брошюр зэргийг эмх цэгцтэй хадгалах, тус бүрийн бүртгэл хөтлөх, шаардлагатай тохиолдолд тус бүрээр тайлан мэдээ гаргах; Хангамжийн хэлтсээс систем дээр үүсгэгдэж байгаа захиалга, хүсэлт зэргийг дор бүр нь хэвлэж, баталгаажуулсны дараа харилцагч байгууллагад явуулах мөн бүртгэлдээ оруулах; Худалдан авах бараа материал, үйлчилгээ, тоног төхөөрөмжийн үзүүлэлтүүдийг хянах, бэлтгэн нийлүүлэгч нарт өгөх мэдээллийг боловсруулах; Ачаа төвлөрүүлэлт, ачааны баглаа боодол, тээвэрлэлтийн асуудлаар худалдан авагчид, экспедитор, орон нутаг / хилийн чанад дахь ачаа тээвэрлэгчид, бэлтгэн нийлүүлэгчидтэй зааврийн дагуу хамтран ажиллах; Тээврийн компаниас тээврийн үнийн санал авах, үнийн харьцуулалт хийж, удирдлагад мэдэгдэх; Тоног төхөөрөмж, бараа материал худалдан авах, уурхайн талбай руу тээвэрлэж хүргэхэд шаардлагатай зохицуулалтыг хийх талаар зааврын дагуу холбогдох хүмүүстэй хамарч ажиллах; Бараа материалын хүргэлтийн хувиарын өөрчлөлт, тусгай хүргэлтийн зааварчилгаа болон тээвэрлэлтийн шаардлагуудын талаар дотоод, гадаадын бэлтгэн нийлүүлэгчид болон ачаа тээвэрлэгчидтэй цаг тухайд нь шуурхай холбогдож ажиллах, тээвэрлэлтийг түргэвчлэх талаар ярилцаж, өөрчлөлт орсон хугацааг цаг тухайд нь хэлтсийн удирдлагатай ярилцаж, хэлтэс нэгжүүдэд мэдээлэлж байх; Хүлээн авсан бараа материал, тоног төхөөрөмжийн чанар, тоо хэмжээтэй холбоотой асуудлууд, бичиг баримтийн зөрчил зэрэг Ханган нийлүүлэгчийн гаргасан зөрчлүүдийг шийдвэрлэх; Хилээр орж ирж байгаа ачааны гаалийн бүрдүүлэлтэд шаардлагатай бичиг баримтуудыг урьдчилж бэлдэх; Шууд удирдлага, компани эрх бүхий албан тушаалтнаас даалгасан бөгөөд тухайн ажил үүргийг гүйцэтгэхэд тодорхой нэг тусгай зөвшөөрөл, гэрчилгээ, батламж шаардагдахааргүй бусад ажил чиг үүргийг гүйцэтгэх;

Аюулгүй ажиллагааны ахлах мэргэжилтэн

Компанийн бүх ажлын байрны аюулгүй ажиллагаа, эрүүл ахуйн бодлого, төлөвлөлт, шаардлагатай дүрэм, журмыг шинэчлэх, ISO45001 стандартын удирдлагын тогтолцоог нэвтрүүлэх, хэрэгжилт, үр дүнд хяналт тавихад менежерт бүх талын дэмжлэг үзүүлж ажиллах; Уурхайн ажилтнуудын эрүүл мэндийг хамгаалах, үйлдвэрлэлийн осолд хүргэхээс урьдчилан сэргийлэх, хүнсний эрүүл ахуй, хоол үйлдвэрлэлийн үйл ажиллагаа, хэлтсийн эмнэлгийн багийн үйл ажиллагаанд хяналт тавьж, дэмжлэг үзүүлэх; Болзошгүй аюулаас урьдчилан сэргийлэх, ослын талбайд эрэн хайх, аврах ажиллагааг гүйцэтгэх; Аврах багийн үйл ажиллагааны бэлэн байдлыг хангах удирдлага, зохион байгуулалтаар хангаж менежерт тайлагнаж ажиллах; Бүх газар, нэгж, хэлтсүүдийн аюулгүй ажиллагаатай холбоотой хууль, тогтоомж, дүрэм журмын хэрэгжилтийг хянах, гүйцэтгэлд хяналт тавих, дэмжлэг үзүүлэх, ажлын тайланг менежерт мэдээллээр хангаж ажиллах; Аюулгүй ажиллагааны хэлтсийн ажилтнуудын өдөр тутмын үйл ажиллагаанд хяналт тавьж, гүйцэтгэлийн тайланг нэгтгэж менежерт танилцуулж ажиллах; Бороогоулд ХХК-ийн хэмжээнд мөрдөгдөж буй ХАБЭА болон байгаль орчинтой холбоотой дүрэм журам, горим, заавар зааварчилгааг дагаж мөрдөн өөрийн болон бусдын аюулгүй байдлыг хангах, байгаль орчны эрсдэлээс үүсэх хохирлоос байгууллагаа хамгаалах талаар идэвх, санаачилга гарган ажиллах.

Өөрөө буулгагчийн оператор

Өөрөө буулгагч /МТ-86, HOWO-371/ болон эдгээртэй адилтгах машинуудыг жолоодох; Уурхайн ашиглалтын хэсгийн өдөр тутмын үйл ажиллагааг тасралтгүй явуулахад дэмжлэг үзүүлж, аюулгүй тээвэрлэлт хийх.

Уулын засварын хэсэгт Засварчин

Хөдөлгөөнт тоног төхөөрөмжийн бэлэн байдлыг хангах зорилгоор төлөвлөгөөт болон төлөвлөгөөт бус засвар үйлчилгээг цаг хугацаанд нь аюулгүй чанартай хийж гүйцэтгэх; Уурхайд мөрдөж байгаа горим, аюулгүй ажилагааны шаардлага хангаж хөдөлгөөнт тоног төхөөрөмжүүдэд урьдчилсан үзлэг үйлчилгээг техникийн шаардлагын дагуу хийх;

Цахилгааны сургагч

Цахилгааны бүх ажилд сургалт, зааварчилгаа, зөвлөмж өгч ажиллана; Цахилгаанчдын ажлын байранд шаардлагатай сургалтын хэрэгцээг тодорхойлж, ажлын байрны чадавхижуулах сургалт болон цахилгаан техникийн онолын сургалт зохион байгуулж үнэлгээ хийх, сургалтын матриц хөтлөх ажлыг цахилгааны ахлах инженерийн удирдлага дор хийж гүйцэтгэх; Цахилгааны ажлын стандарт журам, ажлын аюулын дүн шинжилгээ боловсруулах, хянан сайжруулах, сургалтаар дамжуулан ажилтнуудад танилцуулах; Цахилгаан байгууламжийн ашиглалтын үед мөрдөх аюулгүй ажиллагааны дүрмийн сургалт зохион байгуулж, шалгалт авч группын үнэмлэх олгох, ерөнхий аюулгүй ажиллагааны сургалтууд зохион байгуулах; Ажлын байранд ажил гүйцэтгэх үедээ цахилгаан байгууламжийн аюулгүй ажиллагааны дүрэм, техник ашиглалтын дүрэм, компани дотоод журмуудыг чанд сахин баримтлах.

Холбоо барих

Монгол улс, Улаанбаатар хот, Level 7, Blue Sky Office, Sukhbaatar District, 1st Khoroo, Peace Avenue 17, Ulaanbaatar – 14240, Mongolia

Фэйсбүүк хуудас

Монголын иргэн бүрд ажлын байр!.

Zangia.mn

Copyright © 2008-2024.