Бид 2022 онд ур чадвар, ололт амжилт болон сэтгэл зүрхээрээ хошуучлан манлайлсан шилдэг ажилтнуудаа Японд аялах эрхээр шагнадаг ба энэ минь уламжлал болон тогтжээ.    

Амуулай компани нь Япон улсын 100 гаруй жилийн түүхтэй компаниудын брэндүүдийг албан ёсны эрхтэйгээр Монголын хэрэглэгчдэдээ хүргэсээр 20 жилийг ардаа үджээ.  Япон маягийн менежментийг компанийн бодлогодоо шингээн баримталж зөв хүнийг зөв газарт нь байршуулан тасралтгүй сургаж хөгжүүлэн ажилласаар ирсэн юм.  Бид ажилтнуудруу чиглэсэн сургалт хөгжлийн бодлогодоо гадаад дотоодод суралцах хөтөлбөрүүд боловсруулдаг ба Япон улсад очин мэргэжлийн дагуу сургалтад хамрагдах аялах зэрэг хөтөлбөрүүд уламжлагдаад иржээ.  Бид түүхэн 20 жилийн ойгоороо нийт 21 ажилтнаа урамшуулж Япон улсын үзэсгэлэнт цогцолбор газар, япон улсын соёлоос суралцаад ирлээ.                 

 “Амуулай” ХХК-ийн хамт олны зүгээс эрхэм танд энэ өдрийн мэндийг хүргэн мэндчилж байна. Манай компани үүсгэн байгуулагдсан цагаасаа хэрэглэгчээ дээдлэж, харилцагч байгууллагуудаа эрхэмлэн, нийт ажилтнуудаа хүндэтгэн “Хүлээлтээс давсан үйлчилгээг хүн бүрд” уриан дор хүн бүхний сэтгэлд гал бадрааж, ирээдүйг итгэл төгс харахад нь дэм болон ажиллаж байна. Бид тасралтгүй суралцаж, инноваци нэвтрүүлж, хурдтай ажилласнаар  гоо сайхны зах зээлд анхны өөртөө үйлчлэх дэлгүүрийн концепт, бараа түгээлтийн ухаалаг систем, өөрийн брэндийн франчайзинг бий болгож, зах зээлдээ тэргүүлэгчдийн нэг болжээ.       

Бид зөв сэтгэлтэй зөв хүнтэй урт хугацаанд хамтран ажиллаж компанийн ашигаасаа хуваалцан ажилласаар ирсэн юм. Цаашид ч манай компанид ажилд орж буй ажилтнуудтайгаа хамт тасралтгүй суралцан хөгжиж аз жаргалтай ажилтан бүрийг бий болгохын төлөө хичээнгүйлэн ажиллах болно. Та бүхэндээ 20 жилийн баярын мэндийг хүргэе.