Аливаа байгууллага ажилтнуудаа идэвхжүүлэхийн тулд үйлдвэрлэлийн бүтээмжийн анализ, ажилтнуудад өгөх заавар зааварчилгаа, мөнгөн шагнал зэргээс илүү гүнзгий зүйлд анхаарах ёстой. Ер нь байгууллагууд зорилгодоо хүрэх ажилдаа ажилтнуудынхаа урам зоригийг ашигладаг. Өөрөөр хэлбэл, та удирдах бус манлайлах ёстой хэмээн зохиогч Лукас үзжээ. Нэлээд туршлагатай, жаахан хатуу байр суурьтай менежерүүд түүнтэй санал нийлэхгүй байж магад. Гэсэн ч ажилтнуудыг бойжуулж, хүмүүжүүлэхэд маш сайн шийдлүүдийг санал болгож чадах энэхүү номыг удирдлагын анхны шатнаас дээш түвшинд ажилладаг бүх хүмүүст уншихыг зөвлөж байна.