Францын алдарт зохиолч Виктор Хюго хайр дурлалын мөнхийн дуулал болсон " Парисын дарь эхийн сүм "романаа 1831 онд бичжээ. Цэвэр, ариун нандин хайрын тухай өгүүлэх тухайн зохиолд ертөнцийн бус гоо сайхныг цогцлоосон цыган бүсгүй, бие махбодь ба сэтгэлийн зэрэмдэгүүд болон хүн дүрд хувирсан мангасуудын дүрээр хайр дурлал, урвалт шарвалтын онц сонирхолтой түүхийг уран яруу харуулжээ. Хүн бие махбодь ба сэтгэлээрээ оргилд мандаж, бас ёроолд унаж болох түүхийг нүд салгахын аргагүй яруу тод дүрсэлсэн байна. Парисын Дарь эхийн сүм зохиол нь уншсан, сонссон хүний сэтгэлд үүрд мөнхөд орших хүн төрөлхтний суут бүтээлүүдийн нэг юм.

Өгүүлэгч: Ө.Наранбаатар