П. Лувсанцэрэн зохиолынхоо сэдвийг ямагт бодит зүйлээс сэдэвлэн авч, зохиолд гарч буй газар орны нэр, нутаг усны хоорондох зайг хүртэл яг үнэнээр тооцоолон бичдэг байсан юм бөгөөд авьяаслаг орчуулагчийн нэг юм. П. Лувсанцэрэн олон талын өргөн мэдлэгтэй, юмыг санаж сэрэхдээ ухаалаг, нөхөрсөг даруу, эелдэг зөөлөн зантай, их ирээдүйтэй зохиолч байв. Тэрбээр их зүйлийг хийхээр бодож төлөвлөж байсны дээр олон сайхан өгүүллэг, шүлэг, хоёр тууж бичиж, цөөн боловч чанартай зохиолоороо өөрийн нэрийг уншигч түмнийхээ сэтгэлд мөнх сийлэн үлдээсэн юм. Уншигч, сонсогчийн сэтгэлд од харвах мэт зурсхийсэн гэрэл гэгээ, сэрхийх бодол төрүүлэх үргэлжилсэн үгийн шилдэг зохиол бол Оддын дор юм.
Өгүүлэгч: Х.Уранцэцэг