Аливаа бизнесийн байгууллагын хувьд бизнес хөгжүүлэлт, бүтээгдэхүүн хөгжүүлэлтийн үйл ажиллагаа нь чухал байдаг боловч төдийлөн ач холбогдол өгч сайжруулалт хийдэггүй. Тэгвэл бизнес хөгжүүлэлтийн үе шатуудыг дэс дарааллаар нь зөв хийж чадвал аливаа байгууллагын бизнесийн үр ашиг нэмэгддэг. Ихэнх бизнесийн эзэд бизнес хөгжүүлэлт, бүтээгдэхүүн хөгжүүлэлтийг зөвхөн өөрийн туршлага, явцуу мэдлэгийн хүрээнд хийснээр хүрч чадах байсан ашгийн хэмжээнд хүрэхгүй, харилцагчдын сэтгэл ханамжид нийцсэн бүтээгдэхүүн үйлчилгээ төрдөггүй байна. Тиймээс бизнес болон бүтээгдэхүүн хөгжүүлэлтийг үе шатаар нь, шат тухай бүрд анхаарах зүйлстэй нь хөгжүүлэх хэрэгтэй байдаг.